Gadarenes ung Khaw-’nget a k’täm.

A ca-pi gã, Gadara-ah gok hleih, khàw k’sé-ah phã goi m’cìm hngün ung-kah lut lo nineh ani, lo sí ci goi. Sekha-k’hma ni hleih, cu-täng-ah u kä hteit hnging man ci. Ng’Düi neh m’lã nineh “Khãn-pùghí-ah htá aw, a i-ah na nà ci goi hlü ci ang? Kä chin pha hleih, na nà ’kalû nák goi khai-ah na lo ci mâ,” ci-ah m’lã neh piéin ci goi. Nganí awn kä va-hla nú ci-ung vok ng’nòng ei eì neh om ci gùi. Khaw-’nget goi nawh phih, “Nà k’täm-èi goi-ung phih, vok ng’nòng ung boh na tüì goi-ä,” ci neh ng’huinák ci goi. Ani nawh phih, “Hteit nä,” ci hleih, khaw-’nget goi lut lo ni neh vok gùi ung lut ni hleih vok ng’nòng cuh, pinle tui ung ng’phäì neh si zop ci gùi. Vok k’säm gùi phih, gònú-ah dáwng bà u nehtah khaw k’sé-ah phã goi-ah màwng ung lèng neh kia ci gùi phùng m’thein tu gùi u hleih, Avan lut lo neh Jesu-ah lo u nehtah hnguh u neh a cu zah ung-kah nawh a hteh bà vai-ah ng’huinák ci gùi.