K’Chò K’khúishui gui(6)

K’Chò K’Chî ah a ùi a thúk gui cuh KChò Kkhui shui gui lah K’Chò Ng’äî kphyìm gui ung vah om ca kya ci.
Cun bäng ah kä kya neh thùng-yò gui lah yùmnak gui cun phih mdáng ciah kya ci.
K’Chò Kkhuishui gui cuh kchàng gui béit mcäì nak ung ami mang ah kya ci.
Ngshä ngbàng ci gui noh phih ami kkhuishui mtùmtäng neh pyéin shàn ci gui ah kya ci.
Nu ghi pa ngvai gui noh phih ami phäi na hta khmo gui kkhui shui mtumtäng neh be mcäì shàn ci gui ah kya ci.
Acun ah kya hleih KCho Khuishui ng’äi ng’om gui cuh KCho KChang gui ah ni bä nak pyang tham ci gui ah kya ci.
Pahta yumnak hlu teng ah akya ung Kyanca ung Proverbs, Wisdom, Ecleesiastes gui on täng ciah kya ci. A i ah kya hleih ci ung ni, kshé mcha neh hnguh hmat nak gui na pe ci.
A cun ah kkhuishui gui cuh a phu kyüi tu lang pang hleih phih u noh kä mcun hleih RVA ung kah Saya Om Päng noh hteit ghüi ghüi neh mcun netah (A)ung ka noh (Y) ah chüt hleih mcut netah RVA Website ung a taih lo ah kya ci.

Tuhkbäih cuh (G) ung gok lo ci.
Ghik ada lo ung kä na mthak ba ci. Pu ada lo ung kä na m’ä ba ci. Gha ung kah gha kcáng kai. Shing ung kah shing khikkhi. Khoi ung ka kkhoi tumu. Kchang ung kah kchang kceng nglep.
Mgu Hlü tak om tu hnga ci htang tong pu om tu hnga ci.Ghát hleih ktah neh a kho a chün.Geit ne ei.Kyan ne mang.Gaih vai mlum ung kyah bui.Gai tu tä netah hlehnget ngläh neh a kah.Mgong khui hleih mlei noh a thah.Mguk k’ei nget ci.
Güng na yu bang na hngang.Güng htang hngo gin man.Ghüh ah kho vok phan ah lo kyan.Mguk k’ei a k’ki kä lo ci.Mguk on kho kä kpha hle on po kä nän.
Ghing chuk ghàm den.Ghüh kchéng neh phong yo man.
Ghüh noh ghàm chu neh phong no shong sheih man ci.
Mgai ah ngpyan.Gok ah hlei shäm.Mghong tui mei k’lo.Gheih no na gheih ba ci.Mguk lah plet noh kkyongkhui khoi neh lei lah bei no pakkhui uk ci.
Shin ah kkhuishui gui cuh akni ah hmat vai akni ah kphlan ah akya ung van noh hmat khai kya hleih toi ba neh län neh guk ba ung kphlàn neh ka guk ba vai gui om ci.