Dim Kyäp Ca K’kyong Khui a Kya Vai Hlü Ci Gui
- Tumat noh tumat m’lung yüün neh ng’ngaih vai.
- Kho k’hngüp ät cuh shuh shan nak-awn tün neh shuh shan nak-awn m’chüp vai hlü ci.
- Yei kyai neh ng’khot ng’gei hta neh om vai hlü ci.
- Ma mong gui ng’pai neh bi loh vai.
- I bi-ung phih vun hta neh bi vai. Bi bi-ung phih kyai ng’düm yah-ung phih kiai a täng-ah yei kyai nak gui gah vai.
- Kyong khui di nak hnging khai gui-ah ng’thu ng’hta gui, ng’suh ng’vah nak gui hloi vai.
- Ma mong kä i hta m’däm neh phyüi neh kä neh yüün neh kä pyein vai.
Tumat noh tumat ak’she-ah a pyein vai-ah tah lu m’cawih neh ng’ge vai.
- Tumat lah tumat ng’dang hleih ng’khai hleih ng’thu ng’hta, om ih vai.
- Tumat-ah k’tha a kyen nak gui hmat pe thei neh chum bui lo-ah vuuk kat nak gui cum phih m’chüt hnging vai, phlän hnging vai-ah k’tha nak vai.
- Hlüng tai lo nak pi hti vai,ng’yäk ng’chan nak vai a kong ät-ah tha neh vuun neh bi loh vai. Khanpughü-awn ng’et nak vai lam gui tumat noh tumat m’thein tu ng’kyu neh ng’chü tu ng’kyu vai.
Shin gui cuh yeikyai nak dim kyäp nak om ca k’kyawng khui gui pyan tham m’düih hnging vai-ah hlü ci gui cuh hmat lo u neh na mi pyang tham hnging khai-ah ni ng’ngaih peit gui nei.
M’hngi nak-awn pong htei neh k’hlüm lo-ah kyawn khui gui päng dim kyäp nak-awn be neh ngawi güt khäng hlä.
