Ngthûkní ngthêi(2)
Kkhânpùghí noh k’chàng a hnguh vai a kyum lo ah mòòngK’chàng cuh ngah-tüh mtùmcoih nak on Kkhânpùghí ah a tüî khmüt biloh gui ung ngyung neh shûi ktä nak on Kkhânpùghí akní ah hmat hnging ci. Cung phih kchàng cuh a m’yung kthá tumat bäng on kä gok hnging ah mdáng nak ah kya ca ahêi pyinnya nì lam om ci.Kkhânpùghí cuh a mät noh a mät kchàng gui am àp ci. Christu cuh kchàng gui avan ah phäh ah a khän ah mhngî nak on bé neh akní ah a pongpüi ah thúk ca mdáng nak on bi lo ci.Kkhânpùghí cuh a mhngí pí ah htá kpá mikmi ah Jesu Christu Bói lah ngmùi mchà ngthéing cuh mikmi ah a tüih lo nak on a pongoüî akbé ah mdáng ci.
A ngbäng(1)Kkhânpùghí ah mdángnakKkhânpùghí cuh mhngînak on bé neh bi ca bî ngtäp a mdángnakA i ah kya hleih ci ung Bói cuh a mät noh a bü ah täng ah hnguh hmat nak avan on a ngyák hlü ah a thúk ca mòòng na hmat hlak gui ci.Kkhânpúghí ah ngyák hlü cuh kchàng gui cuh kchàng ah kya nak ci tu ca Christu Bòi ah kchî mkhá on ngmùimchà kthéing ung Pá Kkhânpùghí ah ng’et nak lam gah nak on Kkhânpùghí ah kya nak ung hngün thung ci gui ah kya ci. Cun ah Bói tumat on shih nak khán neh kchàng noh kä k’et hnging ah a kkhâng ung om ci. Cun ah Bói cuh kä hnguh màn ci gui kä hnguh khai gui.Bòi ung hlüng tài nak om hlä.Kkhânpùghí noh kchàng am a ngdáng nak on kchàng ah m’yung ah tah bä tu ba ca mhlán nak,hmat nak hnging,mhngî nak hnging a om vai ah ngya hlü ci.Kkhânpùghí ah mdáng nak a pongpüî cuh tumat lah tumat ngshün ngphan neh yùm mnài vai ah biloh gui bi neh mdáng ci.
Kkhânpùghí cuh kchàng gui ka vai a bü cèng ah chà tu hngá ca mthêimthàng gui om neh kchàng gui on kyäp kyäp ah mdáng neh nghnguh nghmat püî ci.Kkhânpùghí cuh kchàng ah kya nak ci tu ca Bói Christu on kphyón nak ah a khlüng pí ah gok khai ah akhòtüî lòn khê ca mdángnak a ngdün ngdün ah dô chân hnging vai kchàng pyàng tham ci.Bä ca Ireneus noh tamah pyinnya a mthêi nak ung kchàng lah Kkhânpùghí ah nglak ah nggèi ngkhot ngpòng ng’óp hnging ah mòòng lènglèng ba neh mthêi ci.A kchî mkhá cuh kchàng ung om neh Pá Kkhânpùghí ah a ngyák hlü ah täng ah Kkhânpùghí lah kchàng nggèi ngkhot vai ah kchàng ah kya nak ci tu ci.
