Kchòkhò a khòtüi mòng.
Kchòkhò a khòtüi mòng
Kchò khò manggò kko om ci.Mindat cuh Htum Kchòkhò ung om ci.Lòngthà kko om ci
Mindat ung pìgò ngbūm 46 om ci.Cun ah pìgò ngbum ung Khoilung cuh cuh tumat ah kya ci.
Kchò ngvái gui no apìgò päng ung khòghàm hleih thà neh phléng neh khò kä vo man ci gui.
Tuhchü cuh van no mhtung kplut neh lòng phlèng neh vo lo ci gui.
Cun tu láng pang ah phih Khoilung ung pìgò no kä vók en vai ah khòghàm
khòmah gui no thà ci gui.
Me Ngvòng,Kchaghen,Lung Kshé,Khoilung, Kshíthmòi lùpàng avan ah kya ci.
Mhtàhlàm,Kteko kcüih,Shingkhoi Mhtung,Nglólung kpò,Khoilung ghang,Shé Näng Mhtung,Mòlung Kchak ung ka no alúpàng gui ah kya ci.
Cung phih khòmah mshah no vo ba u hleih kä vòk en ba vai nì na ci gui.
Cun ah khòghàm cuh 1980 ung hlukì Kyüi Yòm no khòng hleih ami thà ah kya ci.
Cun ah khóghàm gui ami thà ah phäh ah khòilung pìgò ngbūm ung khòchà yah ung phih tui ni hleih hnguh hnging ah kya ci.
Khóghàm no khò tui a mhtéi bäng ah kä kya neh mē kä lo khai phih ghùng ci.
Pìgò ktu ah shing mhtài shui nak vai phih nghloi ci.
Khòghàm no ahei kä mi hmat ah ni bä nak gui phih
akkhak na pe gui ci.
Pìgò päng no khò ghàm a thà vai hlü ci.
