Ghü ng’ vai lo ci gui m’htei m’hta vai a mong

K’kyawng khui ung ghü ng’vai lo ci gui cu ng’kyawng khui om gui a van noh a ni hta ah m’htei m’hta ne a mi m’lung yei kyai khai ah k’dük ne ci gui vai ah khin ci. Ghü ng’vai lo ci gui k’kyawng khui ung a om cu Khanpughü ah kyeicu ah kya ci. A ghü pa gui ah kyä lam lah ng’mü m’cha lam a ni ah pyan tham pei hnging ci ah kyawng khui gui ah ni bä nak gui ah phäh ah ka yei tu ah hlo ah nga mi gui cu Khanpughü ah k’chü m’gein nak gah ba khai gui ci ne Papa Shangpughang Francia noh 2015 Taigü Maang gui am ca a guk nak(Encyclical) ung Pyein ciah kya ci. Ghü ng’ vai lo ci gui daa ne hta hmo gui kyen lo ci ah ghunkhaw gui ung a ghü gui cu ng’ kyoh düt ci ah ng’ ngai ci gui daa lo ci ah kya ci. A ghü gui m’htei m’hta ah phäh ah hlumlei nak ung kä ng’shung ba ne kya lo ci ah ng’ngai ci gui ah k’kyawng khui gui phih daa lo ci ah kya ci. Catholic yumtu ng’bum noh ghü ng’vai lo ci ah pughi, pighi gui a om nak vai bi bi ne a ghü gui m’htei m’hta nak awn Boi Jesu ah a yai kya nak, a shi nak, a ghün lo ba nak ah Paschal thuk ci ung a mi ng’hton tu hnging vai ah a mi tha nak vai hlü ci ci ne Papa Shangpughangn noh a guk nak ung om ciah kya ci.