“Htíthéing ca Muh Kkhânpùghí ah biloh hngu neh Nu Maria on atäng ah om cuh ka kyä noh hmat ci.”ciah Pope Leo XIV noh pyéin ci.

November 19 khngüp,2026 kum Htum America ung om ca Uruguay,Argentina lah Peru ghunkho gui ah khngüp 12 hluläk ngshä ah a hteh kon ah Pope Leo 14 cuh November 17 khongoi ung Vatican ah gok ba ci.Cun kon ah November 18 Wednesday ung Vatican St Peter KDüma ung General Audience bi neh kä sho pha hleih ngpyi ghüt ca hluläk ngshä ah a hteh nak ung a bùichum gui a pyéin ah mòòng Vatican News noh pyéin ci.


Acun ah k’hli on a nghnguh nak ung Papa Shangpughang noh Peru Sayataw gui noh ami peit ah K’Kyàng Kurusu hlui ci.Acun ah Kurusu ung Bä ca Peru kchang k’hmà ah Kya ca Bä ca Rose of Lima,Bä ca Turibius of Magrovejo,Bä ca Francis Solano,Bä ca Juan Macias lah Bä ca Martin de Porres gui ah Relics gui om ci.
A hteh nak ung Uruguay Catholic pahta kchang gui cuh ami ken tu lang pang ah phih K’khânpughi ami yum nak lah kchang ah hngun tanphu thanak mtung vai ah a mthämhla gui pyéin ci.
Yumnak cuh ng’cet ci gui hlun hnging vai a gung ah hlo ah dim kyäpnak pyang ci gui ah akya lo hlak ah moong pyéin ci.Argentina ung Pope Francis ah mtheimthang gui shüm ba hlak gui neh kchang päng do thei ca Htahtana ung thählà ca Htahtana tumat ah akya lo vai kthäh gui ci.Kä täng ci gui ah nglak ung ät nak mhtei neh taga neh nggung ngkyu nak pyân vai pyéin ci.


Peru ah a hteh nak cuh ani ah phäh ah a thúk ah mòòng a i ah kya hleih ci ung acun ah ghunkhò ung Sayataw ah kya neh kum ksho a om man ah phäh ah akya ah mòòng pyéin ci
Aktung pi ah ayan Sayataw ah kya neh a bi nak man ah Chiclayo Mânggò ah a gok ba yah ung”Ka im ah ka gok ba ci vai hlü ah ka ngngaih ci”ci ci Ngdükho kchang gui ah ngshúng yäih htitheing ca yumnak,thùng yo man ah pahta mòòng gän àp nak lah khomhtung khogui gui ung om ca pigo kchang gui ah ami na do chan nak gui cuh Boi ah bä nak on be ci ci ci.Cun kon ah Peru ghunkho kchang mshah cuh ami yo kkà nak gui ci ci.A hteh nak pum ung Nu Maria noh ät neh a om püi ah mòòng hnguh ci ah pyéin ci.”Nu Maria cuh ngami ah pákkhkúi ah om mòòng tumat ah Kya neh atäng ah om neh phok gui ci”ci ci.

Cun kon ah a ghunkhò päng Htahtana gui ah a hteh nak on ng’cet ci gui ah nglung ah K’khânpughi ah kyóm ca yumnak hnguh hnging ah kya neh Htitheing ca Muh Kkhânpùghí cuh K’khânpughi ah ngthu ngngaih nak Missa gän àp nak lah mhngi nak on biloh nak ung ka noh Htahtana ät hlak ci ci ci.A hteh nak ung ana do chang ci gui ah ami bänak lah acun ah ghunkhò gui ung taga nak dimkyäp nak lah ngphäi ng’nà kchü ah kya nak a däm da lo pihti vai ktaigü pe gui ca pyéin ci.
Láknak -Vatican News – Holy See Press Office

Leave a Reply

Your email address will not be published. Required fields are marked *