Pope Leo XIV cuh Uruguay lah Agentina ghinkho ah k’hngüp thum hteit neh om tu ci.

Papa shangpughang Leo XIV nak cuh South America ghinkho ah November 8th ung gok ci. A cun a htiet neh Miss gänap nak a bi nak ung a pyein cuh,” Khanpughi ah ng’thu k’ni cuh a k’thai ah nami ghin püi vai. Pighi gui lah Nu gui on a pyein cuh, nami yum nak nami m’thei gui vai kä ni k’bong en gui hlä,” ci neh pyein ci. Cun kon nah General Jose de San Martin ci ah ng’phuh nak a hteit ci. Cun kon ah Pope Francis phih shümhmat yeikyai nak neh Agentina khongmang k’chang gui am pyein neh,” Nu Catholic htahtana noh Agentina k’chang gui ah k’o cuh ng’ngai ci. Cuna kya hleih tuhngoi Petru ah hngü ung ka om ca kei lo neh ka ning teng lo gui ci. Kä ng’tüi lo phak ca a k’hmo hta gui m’htei vä. K’hmo k’chang gui im ah om pü vä,” ci neh a k’vai gui am pyein na gui ci.

Pope Leo noh k’hmo tho gui on pyein nak gui neh, “Nami ng’chula vai kä kyüh ein vä. A k’hmo nami lak vai kä kyüh ein vä. Khanpughi noh k’thagui ning pek gui khai nei. A cun a pyien cuh a k’hmo hta gui ken lo neh a mi yum nak phih ken lo hleih a cun a pyein a kya ci.