Texas K’Tàigü Mâng gui lah Democratic ng’näng gui ah Amòòng K’Thài
American kho Texas K’Tàigü Mâng gui noh Democratic ng’näng ci gui m’tam gui neh pro-life and agenda Taxas ciah pyéin nà poi ghun mhtei vai lah kkyòngkhui ah mòòng kbäi ba ci gui. Ngami ka vai ah k’taigü pe gui netah Catholic ah ng’gung khong nak gui ah kya ca upatei läk vai gui cuh kä ng’thong nghlat neh acun ah täng ah om lä khai ciah kbäi ba ci gui. K’chàng ah htinking chüì khának, k’kyòngkhui gui kthá peitnak,a tüi khmüt hluitänak, k’hlí ah ni bä m’hlüng mtaih nak ni lam policy gui cuh läk vai ah k’däih khai gui ah pyéin ci gui. K’Taigü Mâng gui noh (agenda) ung ”Human life is intrinsically valuable and should be protected by law”ciah kchang ah hngùn cuh m’tumtäng neh kä gah ah a phù kyüi neh upatei läk vai on ghun vai ah ami mdang ah kya ci. Cun kon ah ng’tüipüi ah k’kyòngkhui cuh ghinlu ah htitheing ca ng’dü (sanctuary of life) ah kya neh acun ung nu pa gui noh ak’hmo a i ah ami ghin om khin ami m’thêi nak ah kya ci. K’Taigü Mâng gui noh ami pyéin läi cuh kä ng’tüi om lo pha ca k’chang ah hngùn ah k’thá ken khai k’thanak gui phùng cuh ng’däih neh ng’hnguh ng’tuk püi khai gui ah mòòng ami m’khän ba ah kya ci.
