K’kyawng khui gui ah buiawt gui

K’kyawng khui a ni ung khaw m’dek lah yumtu k’bum phih ni khai ah kya ci. Caa tün ne ngoiä shümlä vai gui ung teng ah a kya ung Htitheing ca mu Khanpughi noh a ng’chü lah a ng’shan gui mi ng’yak hnging ciah kya hleih a cun ah phäh ah yum tu ng’bum noh letthat nak lah kyawnkhui ah thuk ciah ah mong gui hmat vai ah lam na m’shüm gui ciah kya ci. Boi Yesu ah m’thei m’thang nak gui a k’ni ah läk ne kyawngkhui ni ciah pyan vai ah hlü ciah kya ci. Kyawngkhui ung ng’kaih ne kä ni ci gui lah ni ci gui a ni ni hngih teng ah a kya ung thung yo läk lam gui a ng’thong hlah nak noh a i phih hlüng ta ciah kya ci. Cang hleih pyein ah a kya ung kyawng khui ung ng’chu ng’ la goi ah ng’ lak kung ng’hmat ne tumat noh tumat a ni ah ni n ani ne ng’hta ko pyeinhlak vai a ng’htei ah hlü ci. Hta k’hmo gui ah kyä lam bäng kä kya ein hleih ng’mü m’cha lam ah phih a ghinlu a ni ah a ghin hnging vai ah m’thei m’thang m’cäi m’ä vai ah phih kya ci. Bi loh nak gui ung phih taga khai ah ng’pai ne bi lo ne, kyawng khui ung ng’gei cam nak om khai ah pyan tham ne bi bi loh ah phäh ah kyawng khui ng’tai khai ah kä bi ein vai hlü ci. K’yawng khui ung om ciah kyawn mah gui cu M’lung m’yo nem nak awn mät ah kyawng khui ung om ciah Nu Pa, htana, Phäina, Nube a van ka vai ah gün ap ne bi bi hnging vai ah phih hlü ci. A cun ah kya hleih kyawng khui ung yaica buiawt gui ah phäh om lo ciah kat nak gui ah kä ng’gei ng’awi nak gui, tumat noh tumat a kat nak gui a om lo ung ng’yuyon ba ne kat nak phleh nak ah Sacramentu cu khan ba hti vai ah hlü ci.