M’hngi nak lah K’kyong Khui Mah

K’kyong khui mah avan-ung m’hngi nak cuh ak’tung pi-ah ahlu-ah hlo-ah m’hngi nak ka ng’dawn ca k’kyong khui mah gui cun phih om ca kia ci.

M’hngi nak om k’kyong khui mah

Kyong khui mah gui-ung m’hngi nak om ca k’kyong khui mah gui cuh ni pi ci ci-ah pyein hnging vai-ah kia ci. K’chu a yiei vai,cei a yei vai cuh u noh phih k’tha nan eh bi ci gui-ah kia ci. A hoi hteh-ung phoih, a i bi-ung phih tumat noh tumat m’thein tu neh tumat-ah ka yum tumat noh m’hloi pe hleih ng’khawt  ng’gei nak om ca  kia ci.

Ng’ngaih M’hnga Nak Om Ca k’kyong Khui

A m’shah k’kyong khui mah gui cuh ng’yum m’hngi neh ng’lah tu lang pang neh phih ami mat-ah ng’ngaih bang-ah om hlu ca k’kyong khui gui cun phih om ca kia ci. Tumat-ah thui vai, yei vai ka ng’ngaih tu peit-ah mat-ah ng’ngaih bang cuh m’hlung  neh om ca k’kyong khui mah gui phih om ci.

Vuuk cuun ca K’kyong khui mah

Vang tang-ah ka noh amat-ah ng’ngaih bang m’hlung lo hleih cuun neh om pui ca k’kyong khui mah gui cuh vuuk cuun ca k’kyong khui mah gui-ah kia ci.

Ma mong-ah kia hleih ng’khah nak

A m’shah gui cuh akho kum gham lo hleih ci neh ng’lak ci gui phih om ci gui. Tumat noh ka yum phih tuamt noh abi vai ka ng’gun ci. Amat-ah om hlu-ah om ca k’kyong khui mah-ah kia neh tumat noh cuh ka yum lo ba hnging ci. Ani ng’tai hlu-ung phih hta k’hmo gu om hleih i-ah ka ci ba hnging vai-ah kia hleih ling neh cuun ci-ah k’kyong khui mah gui phih om ci.

Mikmi ma i-ah hlo k’kyong khui-ah mi sham tu ci neh mi ng’ngah tuh bas hum ko.