Ghün Yah-ung Läk Chin Gui
Mikmi K’chang gui cuh ng’hnguh ng’hamt ng’khot ng’gei neh, vauun vai bi lo ghom neh mi om thei ca ahngun k’ghüng gui-ah mi kia ci. Cun-ah mi kia neh ng’hnguh ng’hmat tub a thei neh ng’khot ng’gei tuma thei cuh ak’chang a da vail lah a khoh ang’cun vai cuh yä tub a ca kia ci.
Caw kia hleih k’chang hngei gui-awn mi ng’hnguh mi ng’teng lo-ung bi chin gui lah kia chin gui cuh ani m’thein tu ba gui hlü ci nei.
- K’chang gui-awn kut ng’ven neh go gai pyein lo-ung hmai m’shii khai-ah om vai.
- K’chang teng-ung a mik teng vai.
- Tui ng’yah-ung ng’äi m’cuh vai.
- Amät-ah chit-awn ng’gui khai-ah om tu thei vai.
- U-ah kä hmat tu-ah bi loh nak hngu hmat nak gui m’cun neh bi thei vai.
- Ling vai, gun tu chin gui phung gung tu vai.
- M’shuuk neh, ng’äi ng’om neh om vai.
- Chang gui noh ani nah lo m’cheih vai, pyein m’shet gaih tu vai-ah kä om vai.
- Laak vai-ah k’hngumi, k’pami cuh ak’ni-ah teng neh ghü vai. I kia hleih ci-ung a cun noh cuh mät-ah ghün nak-ung thüi nak yei nak vai gui cuh phya-ung k’ko kyip cuh na m’cha m’lang pe hnging khai-ah kia ci.
- K’chang gui noh kä mi hnguh tu hnging-ah ni ca ma mong gui cuh k’hngüp täi na bi hnging vai-ah na k’tha nak vai.
- Kä hnguh ba hlü-ah ca uk gui bäng k’plok neh na k’khah vai.
- Chang tumat-ah bü ceng nak kä na m’bi m’cam peit vai. Ani-ung aun bäng aom te i pi-ung a ngoi-ah phih kä ni ng’hmih vai hleih.
- K’hmo hta gui-awn a täng-ah ng’gü ng’lah peit gui vai. Ng’lah tüi hleih k’hmo gui-am a ng’nän peit gui vai.
- K’chang päng-am ak’hngih nak k’tha na ba hlak vai. Cunte ak’thum nak lei kä peit vai.
- Teng phya neh m’hngi ngaak phyak khai-ah yum m’hngi thei vai.
