Ng’chu Ng’la Goi-ah Läk Neh Bi Vai Gui

Ng’chu ng’la goi ci cuh k’chang hngei goi ng’khah neh om lo-ah kia neh ng’ngaih goi kä täng nak gui cun phih om hnging ca kia ci. Tumat noh tumat ng’ngaih goi cuh m’chum neh bü goi cuh ng’gui khai-ah m’tu m’cawih neh ng’hne thei, ng’ge vai hlü ci.

Cun-ah ng’ge thei-ung, m’lung ng’ngaih gui ng’cawih khai-ah ng’chu ng’la goi noh ani m’ät hnging-ah kia-ung ani k’kyong khui cuh dim gei neh ni tu hnga ca k’kyong khui-ah kia khai.

Dim gei ca k’kyong khui gah hnging via phäh ng’chu ng’la goi noh shin gui cuh ani läk hnging vai hlü ci-ah kia ci.

1. A k’hngüp täi ak’ni-ah ng’hta ng’ko vai.
2. Mät hnga ng’ngai neh ng’ngaih tu peit vai.
3. Ka ni m’hngi ci ci-ah k’chü cuh a shäng shäng pyein peit vai.
4. A täng yei kyai ha ya  neh om vai.
5. M’lung k’se neh ih nak-ung kä luh vai.
6. Ng’cuh nak a om lo-ung ng’ngaih nak peit thei-awn ng’ngaih vai.
7. Ng’hui nak chin vai yah-ung m’lung k’kyong-ah ka-awn ng’hui nak ba vai.
8. M’gein chin vai-ah-ung ak’yä-ah m’gein tu ba vai.
9. Läk neh pyein peit vai-ah tah abi gui-ah phäh m’tam peit vai.
10. Mät-ah hlü nak gui cuh ng’dang khai-ah m’thein tu vai.
11. Ng’ih ng’kuh nak gui kä om vai.
12. K’kyong khui bi oh vai  gui ng’pai neh vuun neh bi thei vai.
13. Tumat noh tumat-ah üp äi nak cuh am’hting tu peit vai.
14. K’kyong khui-ung yei tu nak vai gui pyang neh vun vai thei vai.
15. Tumat-ah ng’yäk ng’chan nak tu vai cuh tumat noh a gung tu vai.
16. Ngui ghui-awn ng’pak hleih cang neh ng’dang khai-ah mang thei vai.
17. Tumat noh tumat yei nak-awn shui lei nak cuh k’däih vai.

K’kyong khui mah ci cuh ng’tum m’hngi nak bäng-awn ng’düi neh kä gah-ah kia hleih k’hngüp täi yei tu vai hta gui bi nak hnging gui-awn nei khäng htek ca k’kyong khui cuh m’düih hnging vai-ah kia ci.