Tui k’phùm Johan-ah luk ’kè, dòn ung m’chäp neh asin ung na pé-ä.
Cun zah ung Herod Sangpùghang nawh Jesu-ah màwng ng’za-nehtah “Sin-ah k’chàng cuh sihnák-ung-kah, ghing lo bà ci-ah, Tui k’phùm Johan-ah kia ci. Cun-ah kia hleih vah a ng’müng m’dáng m’sà thei ci,” ci neh a mät-ah phàn-k’chàng gùi àm m’thein gùi ci.
Herod nawh a nàü philip-ah’chú Herodias-ah om-ah, Johan pha-neh chúm ci. A i-ah kia hleih ci ung Johan nawh “Nang Sangpùghang nawh na nàü-ah ghing ’chú kä na om püi khai hlü” ci neh Herod àm piéin te ci. Johan ngáwn hlü neh phih, k’chàng-gùi a kiüh nák awn, kä ngáwn neh om ci. A i-ah kia hleih ci ung cun-ah k’chàng gùi nawh Johan cuh, ce ng’sä-ah hmat ci gùi. Cun ung phih, Herod htánák-ah k’hngüp, apäng bà k’hngüp ung Herodias-ah htá k’hngumí nawh ’chin gùi-ah mà-ah, a zùm vai-ah ng’làm hleih Herod zèi tu k’tat neh “Nà na san phùng ka ning pe khai” ci neh ng’gùn ci. Cun-ah k’hngumí htá cuh a nú nawh a m’cäi-ah lam-ah, “Tui k’phùm Johan-ah luk ’kè, dòn ung m’chäp neh asin ung na pé-ä,” ci neh sàng ci. Sangpùghang cuh, thüì aih neh phih, a ng’gùn te-ah phäh-ah lah, k’chin gùi-ah hmai a zunnák-awn, ka ning pe khai néi’ ci nehtah k’Chàng tüi neh Johan-ah lù, thong k’kiòng-ah tuk-pit hlak ci. A luk ’kè cuh, dòn ung m’chäp neh cun-ah k’hngumihtá àm pe hleih ani nawh phih anú-ah hteh püi ci. Johan-ah k’chàng gùi phih, lo u neh a gáwk hteh bà püi neh ami k’phuh kon-ah, Jesu-ah hteit neh m’thein tu ci gùi.
