K’kyawng khui a mong

K’kyawng khui cu a htei ah a yeikyi ne ni ciah kya ci. Yei kyai nak awn be ciah k’kyong khui tu mat cu a kya ah a phu kä khin hnging vai ah däm ciah kya ciah Khanpughü ah peit ah letsawng ah kya ci. A cun ah kya hleih k’kyawng khui ci ah k’chü ng’lung cun phih a ng’htei ah a yeikyi ci. K’kyawng khui ci ne pyein ung m’lung a üp nak, tu mat lah tu mat m’hngi ng’kyu ne ghung htot ne, tumat ung hlü ci tumat noh k’be pe ne, m’hngi nak om hleih tüihlei ung phih yeikyai ung phih a ni a cum ah mät awn om ci ci ah m’lung üp nak gui cu om ciah kya ci. k’khui tu mat cu k’chang tu mat ah kyä awn täng ci ah kya ci. Tumat ku kä gai ne a kya ung k’kyawng khui om a van cäi ng’ä ne kä yei ci. Nu Pa ci nak ci cu a hta na ah a ghinlu a ni ah aungtang khai ah m’lung ng’ngaih lam phih kyai, kyä lam phih kyai hta k’hmo ka vai a cum ah ng’ngahtüh ne m’hlüng tai pe hlü ciah m’lung om ciah kya ci. A cun ah hlo ah hta k’hmo gui lam ah ka no phih a ghinlu a k’ni ah pyantham pe ciah Nu Pa gui ah ni bä m’htei m’hta nak gui shüm hmat ne Nu Pa ah k’chü ng’ngai ne a Nu Pa cu a m’htei tub hnging vai ah hlü ci. Nu Pa gui ah phäh ah mät ah hta k’hmo a k’ni ah a m’thei m’thang vai a hlü ah hlo ah a hta na gui tumat lah tumat m’hngi nak ng’ yung na ne tumat no tumat a gunghtot hnging vai ah pyan tham vai hlü ci.