Nu Pa Gui-ah Däm ci-ah M’hngi Nak
American Hlawtaw m’düi K’chang (Jake Garn) ng’ming nak ca k’chang noh a cawp kä ni ca a hta k’hngumi-am amät-ah cawp cuh pe ci-ah ak’htük pi k’chang ci neh Time Megazine-ung m’dang ci gui-ah kia ci.
Ani noh a cawp kä ni ca ahta k’hngumi hta am a cawp cuh pe hlü neh shei Bawi gui-am ami m’thong hnging vai lah kä cun ng’sho gui hleih Jorge Tawn ng’thei ng’tham nak-ung ka gui noh m’thong hning vai mong pyein u hleih ma pi k’bäi neh cawp m’thong nak cun phih bi hnging ci gui-ah kia ci. Ne tah Jake Garn noh shei bawi gui-am ka hta-am ka kyä ka ng’khai ng’lang nak hlot cuh ka yei ci ci neh pyein na gui ghüt ci.
AD (1700) hlok-ung pyinhtit kho-ung ng’tuk ng’ah nak a om yah-ung Nu Nu tumat cuh ahta goi k’hngih-awn bung hngu-ah dawng u neh ei-ah cawi neh tui-ah gha neh yai ci gui. Shing hngah khu lim düt ei u neh om ci gui. Kho k’hngüp k’thum k’hli kia lo hleih ga k’kaap gui lo u hleih hngu lo u neh ng’thup ci gui te. Ga k’kaap gui noh ami hnguh gui täng ei-ah cawi ci gui-ah hnguh u neh ga k’kaap tumat noh a chaw lo-ah m’htup muk tumat cuh k’hngumi nu-am pe ci. Ani noh gut gheek neh k’hngih-ah k’po neh tah ahta goi-am pe goi ci. A cun hnguh ca ga k’kaaap noh nang cun mä kä ning m’cawi tu hleih ma? Ci ng’shi hleih a pei-ah om ca ga kaap tumat noh cawi aih ne ng’hlet ci cä na hnguh khai mo. A cein cuh nu nu gui ami hta ami m’hngi nak-ah m’lung nei ci m’thein tu ci.
Na k’hmo gui hta nak m’htei m’hta, tu m’bei nak, thüi nak vuuk nak, yai ca nak gui, na pei hnging khai-ah nu pa na pe gui ca Khanpughü a bä ni ci neh mi m’tam kom u.
