Khanpughi ah ng’shä Khanhtapup no Jesu a om lo tu vai a mong Numaria am a m’thein nak

Khanpughi no Nu Maria ah om nak ah hteit ne a pyein vai ah Khanhtapup Gabriel cu Galilee kho, Narzareth pìgo ah a tüih ah kya ci. A cun ah ng’lami hta Maria cu David ah hta ng’shon Joseph awn ng’don lo khai ah kya ci. Khanhtapup cu Ng’lami hta Maria ah om nak ah hteit  ne ta “ Na yei tu vai Maria aw, a ng’htei k’hma ah na bä ci nei. Khanpughi mät ning om püi ci” ci ne pyein ciah kya ci. Mari ah cu a cun ah Khanhtapup no a pyein ng’yak lo ne a om kä lo ba ciah kya hleih cäi ne shin ah hnguhhmat püi nak cu a í ah mong lam mä ci ne ng’ngai ne om ciah kya ci. Khanhtapup no pyein ne “Maria aw, kä na kyüh ein vai nei. Nang cu Khanpughi ah mâ ah hmai gah ne kyämah ne k’pami hta ah na  hta lo khai. A cun ah hta k’pa cu Yesu ci ne hlui vai ah kya ci. A cun ah hta cu hlüngtai pi k’bäi ciah Khanpughi ah hta ci ne chü lo khai gui.

A pa David ah ghunkho cu Khanpughi no a ni am pe k’khai. A cun ah k’chang no phih Yakuk ah htangshòn gui cu a k’cùm ah ngäng m’htei lo gui khai. A ni ah ghunkho cu a í yah ung phih a maih nak kä om khai ci ne pyein ci. Maria no cun ah mòòng gùi cu a í ah kya hnging khai ang? A í ah kya hleih ci ung kei cu ka cei kä om ci ci ne Khâhtapup am pyein hleih Khânhtapup no Muh K’hti no kyum lôna khao. Bä pi ca Khânpughi ah m’chütnäng nak no ning om nak khai. A cun ah phäh ah a cun ah om lo tu khai ah hta ng’shòòn cu Htitheing ciah Khanpughi ah hta ci ne chü vai ah kya khai. Cun kon ah a k’shing ci ne chü man ah na paihta Elizabeth phih a kyämah nak k’cha k’chuk lo pi ci. Khanpughi no kä ci hnging a í kä om ci ci ne pyei hleih Maria no kei cu Khanpughi no a na phan vai ah ka om ci. Boi no a pyein ah hlo ah kei ung kya hlä ci ne a pyein kon ah Khâhtapup cu Maria ung ka no hteit ba ciah kya ci.