Jesuhmohta ah Bä ca Theresa
Bä ca Theresa cuh Kum (1873),Jan-2 ung Pyeinhteit Ghung-Kho, Alinkon ung ng’tuiom lo tu ci. Ani cuh aNube,painaa (9) lo ci ung ka (5) hta vah ghing ca kya ci. Ani ah aNu cuh Theresa akho kum( 4) shit ca kya ci.
Anu ashih kong ah Lisieux ah ng’plong neh om ci gui. Apa noh ani ah m’htei gui hleih angami cuh nibänak ung om ci gui. Theresa akhokum (8) ung gopai,natnak m’net lo neh ang’mang ung Nu Maria noh gaikneh ang’dang nak hnuh ci.
Theresa ah apai goi cuh maamah kya lo ni hleih ani cuh phih maamah ah kya lo tu hlu ci. Acun ung kum(1886) ung Carmelite maamah ung luh tu ci. Ani ah akho kum(16) vah lo pha hleih aming’vai noh kä yum hleih Theresa cuh Lisieux ung om ca Sayataw lah Papashangpughang Leo ni ah hteih neh Maamah akya tu vai ng’shok tu ci.
Acun ung Maamah Cong ah lut tu ci. Kum(1889) ung Theresa cuh Maamah ah kya lo tu neh Kum (1890) ung Maamah ah akya vah khanpughi ah ma ah ng’gun cu.
Bä ca Theresa cuh ak’hmo tu pang lang hleih phih abiloh hta gui cuh nica m’lung awng bi ci. Amaamah pawgui ung phih nibä nak gui bi ci. Ani ung TB ci ah m’netnak, m’khuh nak om lo ci. Acun ah natnak noh Theresa cuh m’yailo pi hti ci.
Acun ah yai neh phih Caup (6) cuh guh neh ng’pyi ci. Bä ca Theresa cuh Kum (1897), September(30) ung Shih ci. Akho kum cuh (24) hta vah kya phat e ci.
Ani a shih nak kum (13) lo hleih ahtintaw noh Blessed pe neh Kum (1925),May-17 ung Papa shsngpughang Pius(11) nohTheresa cuh Bä ca k’chang ah ahmuh. Bä ca Theresa ashih nak kum (100) abe kum Papa shangpughang John Paul (2) nak noh Bä ca Theresa cuh Ahtinthaw ah hnguhmatk’chang ah am’duh.
