Bä ciah John Ogilvie ah ghünlu a mong

17 entury a ng’thonghlah yah ung Scotland Pak’khui k’chang k’kyawng khui gui cu k’kyawng khui ung Catholic gui lah Prebyterian yum tu k’chang gui a täng ah ng’con ne om man ci gui ah kya ci. John Ogilvie cu Presbyterian yumtu ng’chang tumat ah kya ci. Pyinhtit kho ah kyawng a kai yah ung k’chang gui no yum nak lam ung ng’cuh ng’vah ne a mi kya nak gui ung cumboi ne ng’cu ng’vah tu cu yum ciah kya ci. Proteatant lah Catholic gui ah ng’lak ah a cun ah ng’cuh ng’vah ne pyein hlak cu a k’hmo k’tho kyawng hta gui ah m’lung k’kyong ah lut yop ciah kya ci. John cu a kho kum 17 yah ung Catholic yum nak un glut tu khai ah a m’lung phupit ciah kya ci.Christu kum 1610 ung a ni cu Jesuit Boiphaya tumat ah kya lo tu ci. A ni cu Scotland kho ung Khanpughi ah mong lam gui thähla m’thei m’thang khai ah hteit ba ciah kya ci. Cun tu pang ah phih ghunkho mong lam gui kä ni hleih a om nak ah im ung ng’thup ne om ciah kya ci. Catholic yum tu k’chang gui cun phih ng’thup ne om ci gui ah kya ci.

Yumtu ng’bum lah ghunkho mong lam gui cu Great Britain ung shi nak vai lam ah kya lo ci. A ni cu Edinburgh ung William Sinclair ah hta ca m’thei ne thong khui k’kyong ah om ci gui ah Catholic gui hteit ne teng m’kyein gui ciah kya ci. A cun ung ka no Shangpughang  a k’htük nak James no pha ne a kya ah a kalu nak ah kya ci. A ni cu kho m’dek ung khotang gui awn mang nak vai gui ma ne ng’müi m’cha lam ling ne ghü hleih a mi ngong ah kya ci.