Ngthûkní ngthêi ah bü cèngnak gui lah ngthêi ci gui
Shin ah bä ca yùmnak ca ngbú cuh yùm nak,om ih kní gui on ngphak hleih Catholic yùm nak ung bòi ca ngyung nak lah aktúng pí ah kya ca amòòng gui cuh akhngih nak Vatican Ngbûm Nghtòinak lah Htahtana púm avan ah Cá Thùng lo nak mthêimthàng gui ung ngyung neh akní ah m’än neh mdáng vai ah bü ah kya ci.Cun ah cangbú cuh Bä Ca Ngthûkthéing,Htahtana ung bä ca Pa Ngvái gui ah mtheimthàng gui,ktàigünak lah Htahtana ah mthêimthàng hnging ca â ghum-â on a mthêi gui la neh guk pyân neh têi ah kya ci.”Ghunkhò akkhak ung ngthuknî ami mthêinak ung la neh ami teng vai ah bü ah kya ci.Shin ah bi cuh mà neh pahta yùmnak mthêimthang biloh màmòng na ci gui ka vai phäh ah bü ah kya ci.Mà neh yùmnak mthêimthang neh htahtana ah htòkshäm gui ah kya ca Ktàigümâng gui avan ka vai ah kya ci.
Kkhânpùghí noh a ghü ah kchàng ngbûm am mthêimthàng ah biloh kbé nak ung mangca vai ah biloh nak ah péit ah kya ci. Sayataw gui on ktàigü gui lah saya gui ka vai bü neh péit ah kya ci. Ahei christian yum ci gui ka vai phih mang phya khai ah kya ci. Bä ca yùmnak ah mhtóimkhòp lamBä ca yùm nak ah câ ngbú cuh bä ca yùmnak mthêimthàng mòòng a ngyung ktùng kphlî lo ci. Cun gui cuhMshînak ah mòòng yùm mòòng. kbäînak(yùm mòòng m’änYùmnak ah mòòng Sacramentu(pahta lam biloh kthêing gui)Yùm ci ktü christian gui ah ghinlu (A mcäì gui)lahYùm ci ktu gui ah ktàigü(Kkhânmòpí ktàigü)gui ah kya ci. A ngbäng(1)Yùm mòòng kbäî nakYùmnak lah mshînak on Christu on ngphak ci gui cuh ngami ah shinak mòòng yùmnak kchàng gui ah mà ah kbäi ci gui.
Cun ah kya hleih mà neh a mdáng nak on Kkhânùghí cuh mà neh nghtà neh amät cuh kchàng gui ka vai ah àp neh kchàng noh phih a yùm nak on mshàng ci. (A ngbäng 1)Yùm mòòng kbäî nak ung Kkhânpùghí noh kchàng gui ah ni bä ni gui pe gui neh Kkhânpùghí cuh ni nak ah a ngyung ah kya neh KPhyón Bói lah htíthéing ca Bòi ah aktôi ah mdáng ci. Shin ah a ngbäng kthùm ung mshinak mòòng lam Kkhânpùghí ah Kkhân ah yùmnak,ghum-â mah Pá,Htá Bòi Christu,Htíthéing ca Muh Kkhânpùghí,htíthéing hlak ci lah bä ca Htahtana ci gui mdáng ci. A ngbäng(2)Yùmnak ah mòòng Sacramentu(biloh kní gui)Bä ca yúmnak mthêi mòòng ca ngbú ah (a ngbäng)ung Kkhânpùghí cuh Jesu Christu Ngmùi Mchà kbä on khngät gé am ngpäng hleih a bi ah mòòng mdáng neh kphyón mòòng biloh cuh Htahtana ah ktàigü ung ka noh biloh kní on lènglèng ba neh a bi ah mòòng a mdáng ah (a mòòng tumat)aktúng pí ah Sacramentu(7)ung a om ah mòòng mdáng ca(a mòòng)A ngbäng(3)Yùm ci ktû ah ghinlùBä ca yùmnak a ngbäng kthùm ung Kkhânpùghí ah müì ah atäng ah a tüî ah kchàng gui bü cèng mdáng ci.
A mòòng khtük ung ngkyüm bé ca yèikyái nak pe ca ghinlù ung Kkhânpùghí ah mcäi lah ni bänak ah gung nak on ni ca om ih gui yùm ah biloh cuh bü cèng nak ah gok hlak hnging ca nì lam gui ah mdáng neh amòòng khngih ung a mcäi(10)on akpüh kkheh ah a mdáng ah mhnginak aninik khngih kbé ca om k’ih kní ah mòòng mdáng ci.A ngbäng(4)Yùm ci ktû ah ghinlù ung ktàigü nak. Amòòng khtük ung bä ca yúmnak ca ngbú ah akhngú pí a ngbäng ung yùm ci ktû ah ghinlù ung ktàigü aktúng ah mòòng mdáng ci.Amòòng khngih ung Bòi Jesu noh a mthêi ah ktàigü ung ktàigü ah mòòng kchüih aktôi ah mdáng neh phleh ci. A i ah kya hleih ci ung shin ah mòòng ung mi äp ah akní gui avan lah mòpí Pá Bòi noh ana péit gui hlü ah akní gui avan hnguh ah kya ci.
