Akhòtüî akhat 2
Ngthûkní noh a mdáng ah a tüî khmüt ah mòòngKchàng pakkhúi gui kä mkhôimchâ ah mlùng knî ngnaih kkyóm thà ci gui ka vai ah guk ah ngkhäh ca ung a i ah kya hleih christian pahta gui noh ami yùm ah mòòng on ngshün ngphan hleih akhat kdäm tumat kboih ang ciah ngshî vai om ci. Ghunkhò lam lah ngah-tüh nak lam ung kchàng a mshah cuh tüì khmüt ca Kkhânpùghí tumat a om ah mòòng ma u neh a mshah noh Kkhânpùghí a om cuh hngu mà kä ngcoih ci ciah mòòng,a nggó nggài gui ah kä ngshün ngphan ah mòòng pyéin hla u neh kkcháng gui ah ní bä nak vai a ngkyüm ah hlüng tài nak vai phäh ah a ngkyüm ah hlüng tài vai phäh ah pâhtâ yùm nak ah a phù kä khìn hnging ah biloh gui kä hlûi tä ah ka hmat ci.
A mshah pâhtâ gui cuh kkhén neh kä gah ah düm ca thùng yò tumat ah pyéin ci gui.Akcàng pyéin ung htikpan lah pâhtâ gui cuh khòmdek ah mòòng lam lah kchàng gui ah a mòòng lam kä täng ca nì lam on teng u neh kchàng gui ah bi u hleih tumat lah a bä nak vai bi ci gui. Nggè nak cuh akthúk ah bi hnging ci gui. Pâhtâ yùm nak ung ka noh lo ca gä-hlêi nak gui Akhòtüî pèingléng mòòng a a nggó nggài lah acun ah kya lo hlak ca nggó nggài neh dá khmà ca a mòòng a lam gui shûilêi kon ah acun ah phäh ah gä-hlëi vai ah mhlánnak cuh a mòòng a lam tumat bäng ung ka noh kä lo ciah mi hmat vai ah kya ci. Kchàng kkhúi päng ah. ngbuh ngmang ca thùng-yò a päng päng,ami guk chet gui,ngäî ng’om gui,ngami ah ami mlùng kkyòng ah ami ngngaih gui,pahta ami yùm nak gui hlûi tå tu vai ah kya ci.
Mikmi cuh kchàng ah phäh ah dí ca khòtüî pèngléng pyân thàm ba vai phäh ah mchüt hnging ah akhòtüî pèingléng pyâm tham ba vai akcàng. ah mlùng ngngaih a om ah akya ung htikpah hnguh hmat nak gui a hlü hlü lah pahta gui lah pahta mòòng kchî mkhá gui mah ah a i pyinnya mòòng phih khtät neh kå gah ah kya ci. Catholic Htahtana cuh mtumcoih ngah-tüh nak gui on mshümphan neh ktäih nak ung yùm nak lah ngah-tüh mòòng mtói neh shûi ktäih nak ah ca om. lo ci.Htahtana ah kchàng hlu mòòng mthei mthàng nak cuh kchang hlu mòòng gui ah phäh ah ngdòn neh bi nak ung ka noh om lo ca ca gui ah kya ci
