K’phyon Ca Bawi Cuh Ng’vai Lo Ci
“Yeisu Bawi cuh ng’vai lo neh hnguh hmat nak gui-awn kyüm be neh Khanpughü-ah ma-ah phih kyai, k’chang gui-ah ma-ah phih kyai a hmai cuh k’kyang ci.”(Lk- 2:52)
Yeisu Bawi cuh anu pa gui-awn atäng-ah Nazereth mango-ah om ci gui. A k’hmo hta-ah kia neh im k’kyong bi loh gui cuh gung tu neh bi tu ci. Anu Maria ni apa Joseph ni-awn atäng-ah om ci gui. Bawi yeisu cuh Khanpughü-ah hta-ah kia ci. Cunte Joseph noh khanpughü cuh ahta tu k’cang vai hlü-ah m’htei ci.
Joseph cuh im k’kyong khoh tang gui pyang thei ca kia neh phyu k’kyong-ung mang-ah ngoh nak, ei nak, m’kot gui-ah ng’müng cuh pyang ci. Yeisu cuh anupa-ah k’chü ng’ngai neh bi loh phya ci gui cun phih gung tu ci. A cun-ah hlo-ah mikmi gui cun phih mi nupa gui-ah k’chü mi ng’ngai neh ami na m’cäi gui mi läk vai-ah na m’thei m’thang gui ci. Ani-ah ana m’thei gui-ah ci-ah mi nupa gui-ah k’chü mi läk neh mi üm hta gui thei vai hlü ci.
Khanpughü-ah m’cäi nak-ung phih nupa kyüh aa neh ng’ngaih vai ci-ah m’cäi om ci. Cun-ah kya hleih nupa-ah k’chü ng’ngai neh ana m’cäi läk cun phih Khanpughü-ah m’cäi läk tu-ah kia ci.
