Kat kä om  ciah a k’hmo hta gui ah poi(Holy Innocents)

Khanpughi m’tam ne a k’hmo k’pa mi hta gui ghung m’htei ciah  kat nak kä om hleih a mi ghun pe ci gui ah a k’hmo hta gui cu Herod Shangpughang a kya ah m’lung k’she ne ng’tüi om lo ciah Boi Yesu ngon khai ah ng’ceng ne ta a ngon gui ah a k’hmo pa mi hta gui ah kya ci. Hnguh hmat k’chang k’chang gui k’thum no a mi m’hle cu hmat lo ne a kya ah m’lung k’she ne ta a k’chang gui tüi gui ne hnguh hmat k’chang gui am a k’ni ah ng’shi k’ca ne ta ai hli teng ne Bethlehem ung ka no leng ne piggo päng ung om ciah kho kum goi lo ci gui ah a k’hmo k’chang hta gui a van Herod Shangpughang no a ngon hlak gui ah kya ci. Cun tu pang ah phih a cun ah a k’hmo hta gui ngon khai ah htei ci gui no Nu Maria lah Bä ciah Josep no Boi Yesu hta cu Egypt kho ah dong püi ni hleih Boi Yesu cu kä ngon tu hlot ci gui ah kya ci. Shangpughang no a phan gui ah k’chang k’ngon gui no a mi ngon ah k’chang pami a k’hmo hta gui cu Boi Yesu ah mong a mi m’gong awn thähla m’thei m’thang ne, ng’dang khai ah kä ci hnging tu lang pang u ne phih a mi shi m’hloi ne Boi Yeisu ah Khanpughi ah a kya ah a mong cu m’dang tu ci gui ah kya ci.