Bä ciah Stephen ah ghünlu a mòng
Maapi k’bäih ne cang lam ung ahngun pe ciah Bä ciah Stephen cu a k’htük pi yumtu ng’bum ung a mi ng’ ming thang ciah Deacon k’chüih ung a ni cun phih tumat ah kya ci. Khanpughi ah ni bä nak gui awn be ne k’chang gui a k’daa ah hngu ah cäicat vai ah a mòng gui bi lo man ciah kya ci. Hnguh hmat nak gui awn ng’kyüm be ne a m’lung k’nga ng’shung hlei nak awn a pyein gui cu k’chang gui no kä khan hnging ci gui ah kya ci. A cun ah kya hleih Greek ng’thu awn ng’hta ci gui ah Jue gui no vam’neng na u ne a ni ah khan ah m’lung k’she na u ne a ng’aa ng’ca vai ci ne Taya yung ah a mi khah püi ah kya ci. Cun tu pang ah phih Stephen ah müi hmai cu khanhtapup vai hlü ah k’khâng hta ne “ Nang mi cu a caä pughi pa gui vai hlü ah Htitheing ciah Mu Khanpughi a k’cum ah na mi ng’hngu ng’tuk püi ciah kya ci. K’ce ng’shä gui ah kalu nak kä om ciah nang mi ah pughi pa gui om man ne ma?” cu ne ng’düi lo ne pyein ciah kya ci.
Stephen no a cun ah a pyein ng’yak lo u ne a ni ah k’khan ah a kya ah m’lung k’she u ne a mi hà htui ci gui ah chüt hleih m’lung k’she ci gui ah kya ci. Htitheing ciah Muh awn be ciah Stephen cu Khanmopi han k’dang ne “ Teng ä, Khanmopi k’shoh ng’hmong ne k’cahng cu Pa Khanpughi ah k’pat lam ah ngoh ci ne a ni no a hnguh ah m’dang nak cu pyein ciah kya ci. Stephen no a hnguh ah m’dang nak cu ngami no kä hnguh tu u ne ta Stephen ah k’khan ah a kya ah m’lung k’she nak u ne mânggo k’pung ah kaih ne khah püi u ne ta lung awn a mi voih ah kya ci. Stephen no “ Yesu Boi aw kei ah ng’müi m’cha cu na lak ein ba peit ä ci ne shang ci. Cun kon ah m’khukhudong ne Aw.. Ka Boi Khanpughi aw ngami gui ah kat nak gui kä k’khei ein pe gui ne k’pyhon tu gui ä (Actus 7: 59) ci ne ta shi ciah kya ci.
