Bä ciah Paola Elisabetta ah ghünlu a mòng

Costanza Cerioli ah ng’ming awn a ghünlu leng ciah Bä ciah Paola cu a paina nu be gui ghalei k’chuk ung a k’shui hta pi ah kya ci. A ni cu kä gai ne, a kya ah a m’lung thüihlei ne yaica nak ah ghünlu bui ne a khe kon ah a yum nak awn a k’cum ah k’taigü ne a mät no a mät Khanpughi am gänap ciah kya ci. A kho kum 38 be lo hleih a ni cu k’chang gui m’htei m’hta gui khai ah a m’lung phukpit ciah kya ci. Boi Yesu Christu ung Khanpughi ah m’hngi nak m’dang cu a ni ah ah phäh ah k’tha peit nak tumat ah kya lo ci. Lam ah khan ah a mi hngun a mi m’ghün vai ah k’tha na ne kya ci gui ah hmei hta gui cu a ni ah phäh ah a kya ah a ng’khai ng’lang nak vai ah a mong ah kya lo ci. A cun ah a hmei hta gui ka vai ah k’tung na ne a kya ah a bi loh gui no k’chang gui cu cäicat hlak gui ciah kya ci. A m’shah gui cu a ni ah bi nak ung ng’cut ne bi loh tu püi ci gui ah kya ci.

Christu kum 1857 ung hmei hta gui ah nu ah kya ciah Paola cu Htitheing ciah k’kyawng khui ah hta k’hngumi gui ah ng’htoi cu m’düih ne Paola Elisbetta ci ne a ming lak ciah kya ci. A ni ah gänap bi loh nak ung ng’cut tu ne gung tu ci gui am Yesu, Maria, Joseph ah a mi ghin ei vai ah lang hta ciah a mi bi loh man gui a mi bi loh tu hlü vai ah k’hnga k’phlang tu gui ciah kya ci. Paola cu Christu kum 1865, December k’cha 24 k’hngüp, a kho kum 49 ung a k’teng ah shih ciah kya ci.