Ngthukthài media gui ah nî lah shéit
Tuchü cuh ngthûkthài media k’hlí ah nghnguh nghmat nak ah bú lîn neh akkâ htá nak ah kkâ htának yah ung computer,internet,phone gui cuh avan ung yat hleih hnguh lo ah kya ci.Amòng media ah búlîn pyéin hlak ah phäh ah mät noh akthúk ah ngah-tüh neh bi nak,mtumcoih ngah-tüh neh hnguh hmat nak on ghin om hlü nak,mlùng kní on nggèi ngkhot neh ghin om nak gui maih lo ci.Acun on a nggûinghlûi ah tuhchü cuh kpanmcâi ca k’ó mlèi gui on kä ngyák kevek ah dá aih ca amòng kthài media gui ah pyéin hlak gui ah phäh ah hnguh hmat kchàng cá ngvái gui ah mthêimthàng mcäì m’ä gui mlùng khngà mah na neh kä mi cùng ngngài lo ba hlot ci.Amòòng kthài media gui cuh thùngyò hngip nep mòong. khoh-tang gui. mkyih mkyok ci gui ah kä hnguh en neh thùngyò a ngdäih lo màn gui a däm tài vai phäh ah gung kûm ca khoh-tang gui ah akya lo vai phäh ah kthá nak vai hlü lo ci.
Pyinnyâ akcàng cuh a i ang ciah mät noh mät ktäih mshùnak. kchàng täng täng ah nglak ah mlùng kní on nggèngpài nak gui ung ka noh gah hnging ah kya neh media ung ka noh gah lo ah amòòng amà akkhak ah a ngphlû nak ung ka noh kä gah hnging ah kya ci. Shin ah amòòng amà gui,pyéin hlak gui cuh akhngät kä mchüt hnging ah phuih kgih vai hlü ah kya lo neh mlùng khngà thetthòng hlak neh mlùng kkyòng ah om kya lo ca akhòtüì pèingléng athûshin nak tumat ah kya lo ci.Kchàng tumat lah tumat ngpòng ng’óp nak ung ngcét ngcam ci gui om tu pang hleih phih bä càng kyóm-htang ca ngpòng ng’óp nak gah ci gui.
Cung phih tuhchü kchàng gui on ngpòng ng’óp nak ung mät ah yùm ghükcêing hlü ung ghükcêing neh nong hlü ung nong hnging mòòng kthá pe ca internet ngpòng ng’óp nak on a hngün mi thung lo ci.Acun ah nì on kchàng gui cuh kchàng gui on ngpòng ng’òp nak lah akhòtüi khomdek on kä kä ngtòn ngyap neh cíngcì gui,tv gui lah kkoh ah phone gui ung phan gui on akcùm ah kä ngshông nak ung ngyung ca ana khâ neh thüî hlêi ngah-tüh nak gui om lo hlak ci.Tuhchü nghnguh nghmat nak gui cuh kchàng gui on nghnguh nghmat nak,mi mät ah hnguh hmat gui,akní lam mdáng ca amòòng kthài gui ngdô ngpéit mthong mhlài vai lah nggèi ngkhot nak pyân vai gungkumnak akdá cun phih hnguh hnging ah kya ci.
Cung phih akhngät amòòng kthài media gui cuh kchàng gui noh akcàng ah ami gah ah thüîhlêi yáicâ nak gui,kyih ng’ä nak gui,ahei gui ah yèikyài nak gui,ngami ah ahlühlü ah ami bùichúm gui kä mdáng neh ami m’yih gui hnguh ah kya ci.Acun ah amòòng lam gui ah phäh ah mi mhteih vai ah amòòng cuh amòòng kthài media gui cuh kchàng gui ah mlùng a thä hlà lo vai a bi hnging ah hlô ah media gui ah phäh ah kchàng gui ngpòng ng’óp nak ung kä yùmnak,mät hta bäng kpoih ba ah moòng mlùng ngngaih nak gui hnguh hnging ah kya ci.
Impact of Social media
