Bä ciah Frances Xavier Cabrini ah ghünlu
Bä ciah Frances Xavier Cabrini cu Christu kum k’phaghlei k’chüt lah k’hmakip (1850) ung Italy ghunkhaw San’ Angelo Lodigiano ah ng’tüi ci. a ni cu a k’hmo chang yah ung tün ne Marmah ng’htoi a hei hei ung htei ne marhmah kya tu k’hlük ca pyein ne kya hlei phih kä gai ca k’chang ah a kya ah phäh ah a i Mamah ng’htoi no phih kä k’bäi tu ah kya man ci. Christu kum k’phyaghaleichüt lah chüihkipleichüih ung Delo Manggo ung om ca k’Taigü mang no marmah ng’htoi phung noh na luh tu vai a mi ni k’bäi ah a kya ung na mät noh marmah ng’htoi tu mat na m’düih tu hnga vai ci hleih a k’hmo hto gui ca m’thei vai ci ah bü ceng ne Boi Yesu ah ghuim’ung ah bi bi k’ki gui ah marmah ng’htoi ( The Congregation of the Missionary Sisters of the Sacred Heart ) ci ah marmah ng’htoi cu Codogno, Milan lah Roma manggo gui ung k’hmong ca kya ci. Kho kum gha sho lo chüt ta Francis cu Papa Shangpughang a ghalei k’thum nak Leo no a k’nga k’phlang nak awn American Pyithong su ah hteit ciah kya ci. A ni cu American ah ng’plon lo ci gui ah Italy pa k’khui k’chang gui awn a tang ah bi bi tu khai ah ng’plon lo ciah kya ci.
Newyork ah a gok yah ung Taigü Mâng no a pyü lam ah a ng’hlah ba vai ah pyein hleih a ni no Taigü Mâng am Papa Shangpughang no na tüi lo hleih ka lo ciah kya hleih a shia ka om khai ah kya ci ci ne m’shang tub a ciah kya ci. A ni cu a shäng hta düt ung seiyung gui a ng’htoi gui lah hmei hta gui ah om nak vai gui k’hmong ne khanpughi ah bi bi tu hlü ci gui a k’daa ah kya lo khai ah bi hnging ciah kya ci. English k’chü a ng’thei tu yah a kya ah kä ng’hloi ci gui daa tu lang pang hleih phih a ni ah bü ceng gui cu kä k’hmih ein ne a kho hei ah ka no ng’plon lo ci gui lah a cun ah kho mät ung om ci gui ah American k’chang gui ah ng’lak ah a ni ah bi loh gui cu aungtang ciah kya ci. A ni cu Christu kum 1917 ung shih ciah kya ci. A ni ah gok cu Newyork Mânggo Fort Washinton ung m’nai ne a mi htin ah kya ci.
