Pharisee lah ngùi k’phlám k’lók a k’taigü nak

Cun zah-ung k’chàng m’sah gùi nawh a hei gùi cuh, m’kat neh ami mät läng ng’tai u hleih Jesu nawh ngami gùi-àm, pùmá piéins neh a m’tu m’täng lo cuh, K’Chàng k’hngih, k’tài-gü vai neh khàw im-ah hteit ci goi. Tumat cuh, Pharisee k’chàng-ah kia ci. Tumat cuh, ngùi m’phlám k’lók-ah kia ci. Pharisee nawh pa-cãk neh a m’lung- àm a k’tài-gü cuh, “Khãn-pùghí-aw, a hei k’chàng gùi cuh, ng’ung-tak neh thù-vì vüng-vá neh m’gu-plet zop ci gùi. Kei läí cuh cun-ah kä ka kia tu ci. Cun kon-ah sin-ah ngùi k’phlám k’lók-a hlo-a phih, kä ka kia tu ci-ah kia hleih ka ning süm hmat ci.K’Hngüp k’chüih-ung, k’hngih vei, ei ka hloi ci. Khawh ka gah lo phùng, ghà-ah k’pai nehtah ng’pài ät ka khawih-hngah man ci,’ ci neh piéin ci. Ngùi k’phlám k’lók läí cuh a k’hláng-ah om nehtah Khãnmòpí kä k’dang dat neh a ng’kiàng k’beh neh “Khãnpùghí-aw, kei cuh, k’chàng ’kà néi, na m’gein-èi tu-ä,” ci neh ng’huinak ci. Cun-ah kia hleih nangmi-àm ka piéin cuh, ‘sin-ah ngùi k’phlám k’lók cuh a kat-ung-kah phiòng neh a im-ah hteit bà ci. Pharisee läí cuh cun-ah kä kia ci. A i-ah kia hleih ci- ung lä ng’tãi ci päng cuh m’nem-ah kia khai. A mät m’nem ci päng cuh chüi chan-ah kia khai,” ci neh Jesu nawh piéin ci.