Bä ca Anthony Mary Claret ah ghünlu a mòng

Bä ca Anthony Mary Claret cu Christu kum (1807), December k’cha (23) ung Spain ghunkhaw Sallent maanggo ung ng’tüi ci. A ni cu hnguh hmat nak ung ghuih ne a í ung phih hngu hmat hlü caih m’lung k’nga om hleih Latin ca lah ca uk gui pyang ne yoih vai ah ci nak ung  cu a k’ni ah a hmat vai ah ng’thei ciah kya ci. Christu ku (1849) ung k’Taigü Boi ah a kya lo kon ah Spain ghunkhaw pum ung hteit ghüi ne a ng’ming thang ca künhloi k’taigü ni, Khanpughü ah a mong lam gui a kya ah aung tang khai ah bi  ciah kya ci. Christu kum (1849) ung Missionary son of the immaculate Heart of Mary Taigü ng’htoi m’düih ca kya ci. A cun ah ng’htoi ung a k’tung pi ah a mi bi vai cu ghunkho mät lah ghunkho hei ung hteit hton ne Khanpughi ah bi bi vai ah kya ci.

 Christu kum 1850 ung Santiago de Cuba ah Taigü Maang ah kya lo neh a cun ah htahtana ung k’mü m’cha lam ung dídam ci gui ng’thong hlat khai ah pyiang tham ba ca kya ci. Khanpughü ah bi a bi loh gui ng’ shong khai ah a bi hnging vai ah k’pyha ng’htang khan ah Teaching of Mary Immaculate Marmah ng’htoi cun phih m’düih ca kya ci. Christu kum 1856 ung Spain khaw ah chü ba ne a k’hngih nak Queen Isabella ah ng’mü m’cha lam chü kong ne lam shüm pe ciah Taigü Boi ah a mi k’hmoh ah kya ci. Khanpughü ah ni ca mong lam gui k’chang gui noh a mi hmat lo pihti vai ah ca gui phih a k’daa guthen ca kya ci.  A ni ah ghünlu pum ung Khanpughi ah mong lam a m’thei m’thang gui 10,000 vei lah ca uk gui 200 cu a pyan ah kya ci. A ni cu Christukum 1870 ung shi ca kya ci.