Bä caih John du Lau lah a ng’htoi gui

Christu kum 1702, Sepember k’cha 2, Pyinhtit ng’tukah nak ung Taigü Mâng gui lah Taigü Boi gui a ng’don ah 191 cu a k’bum ah a mi ngon gui ah kya ci. Taigü gui cu Mâng kho uk ci gui ah k’kaa ah om ci ci ne Upahtei a mi pyan nak ung leng ne a mi ng’lak ah ng’gen am nak cu om ciah kya ci. Yumtu ng’bum ung kho mang k’chang gui cu, Ghunkhaw mâng gui ah Muvuata gui a mi läk vai ah a mi ng’gun vai ci ne a pi ling cu Taigü Mâng k’phli lah Taigü Boi a pi bäng no vah a mi läk tu ah kya ci. A k’daa pi no a cun a mi läk tu vai ah ma ne dam ci gui ah kya ci. A cun kä läk tu ci gui a van cu Pyinhtit kho nong ne a hei ah hteit yop ci gui ah kya ci. Ghunkho Mâng gui, ghun kho k’ngäng gui cu a cun ah a hei kho ah dong ci gui no lo ba ne tuk lo gui hnging ci ci ah k’chü a mi ng’yak ah phäh ah Paris ung om ciah thong khui k’om gui om nak ung luh gui shi ne, Cathokic Taigü gui a mi om lah kä mi om shui ci gui ah kya ci.

Tuhngoi mi mi gui no a kya ah m’nai tu gui ne poi mi bi peit gui ah k’chang ng’htoi cu kho phung a mi got täm gui ah chüt hleih Carmelite Phaya kyawng ung a mi chum gui ah kya ci. Hlokyan k’chang gui cu a cun ah Phaya kyawng ah lut lo u ne kya u hleih Arles Mânggo ung Taigü Mâng ah kya ciah John du Lau cu ngami awn ng’hta ng’ko khai ah hteit  hleih a cun ah hlokyan k’chang gui no a ni cu Taigü Mâng ci ne hmat u ne ta Taigü Mâng cu k’htei lah k’chim a ng’shäi nu awn a mi ngon ah kya ci. A cun k’hngüp ghunkho k’chang gui lam läk vai ci ne ng’gun nak cu maa ci  gui a van cu tumat a pyü ung tu mat a van a mi ngon ah kya ci. A cun ung Khanpughi ah mong lam thähla m’thei m’thang ci gui a daa shi ciah kya ci.