Ghün Yah-ung LäK Vai Gui
Suhshan ci cuh ahlü lo-ung mang vai-ah kaa ping ng’shäm nak-ah kä kia ci. Shuh shan nak cuh pong lo vai lah ng’phyui tu ge ca kaa ping gui-awn täng ci.Ghün om nak-ung shuhshan nak-awn pong lo ge vai kia ci.
Kar tumat teng-ung maa-ah kah kho k’chi shung ca hman cuh däm neh hngu täng dan nak hman ayo cuh teng-ung mät-ah ma lam cuh hngu täng hlawk-ah kä hlü cuh hmat vai kia ci.
Ng’ khot ng’gei nak ci cuh ca uk tumat-awn täng ci.Ca uk tumat cuh guk vai kho k’sho k’tha nak-ah kia ci. Cun te adi vai lei cuh a shäng hta-ah kia ci.
Ghün om nak-ung i phih käng ng’däih ci. A ng’hloi-ah-ung na yei vai na om vai , kä ng’hloi-ah-ung kä na thüi k’hma vai, a shäng hta vai nei.
Teih püi k’phyüm cuh ghui-awn täng neh, teih püi k’thai cuh sing-awn täng ci. Sing na gah-ei-ung phih ghui kä nong-ä.
Mi mü ceng nak gui amaih yah-ung Khanpughü noh na teng gui neh ka hta-aw kä thüi-ä, shin cuh ghün nak a ng’pyi nak-ah kä kia ci. A shäng hta vai nei ci neh na teng gui ci.
Khanpughü noh na vuuk kat nak gui ani m’cha lang peit-ung nang noh Khanpughü na ääp khai. Khanpughü noh kä ni m’cha m’lang peit-ung ani noh nang cuh ning ääp hleih kia ci.
A mik kä hnguh ca k’chang tumat noh k’chang k’bä Anthoni-am kho m’dek khan-ah mik kä hnguh-ah tah ka tuba ci om-iang? Ci neh ng’shi hleih ani noh kho m’dek khan-ah hnguh hmat nak kä om ci ka tupi ci ci neh m’shang ba ci.
Nang noh k’chang tumat kavai shuh na shan peit-ung Khanpughü noh ani-am hlü ca k’tha gui gui pe ci. Nang-ung ng’hloi ng’hlak nak aom lo ba-ung phih k’chang tumat ku ku noh nang kavai shuh ning shan peit ci ci cuh kä na k’hmih-ein vai.
Ng’ä nak cäi cat nak noh ngong cihtuh na bui lo vai-ah vuuk kat nak kä pheng hning khai. Tuhngoi na yei kyai nak vai gui hlü nei ni m’di pe khai ci cuh na m’lung-ung na kyeh vai.
