Tän k’hlüng kyawng lah Kchò ng’äî gui
Kchó thúng gui ung kah Kchò ng’äî amshah cuh tän k’hlüng gui ung ngthêi khîn ah kya ci.Ayan kchò ng’äî phùng düt gui läî cuh akkhak om ci te kyawng ung ngthêi khîn läî cuh kä dá khmà hngá ci.Ni ca ng’äî maih ci cun phih dá ci.I ah kya hkeih ci ung aknî ah guthén têipâi neh kä mi thà ghüt ah phäh ah kya ci.Cun ah kchò ng’äí gui ung kah Kchó gui noh ghunkhò mòòng ung ami bi tu ah mòòng gui phih om ci.Acun ung kah phih tuhchü ami ngtuk ng’ah ah hlô ah Ingkalik Japan ani ngtuk yah ung yu ngtu tu ca Khòlòng Ngthàng ah ng’äî cuh a ngmìng tháng ci.A ng’äí tumat läí cuh acun ah a yu ngtuk tu yah ung a nú ana shih chütah thüí neh a ng’äî ah kya ci.Ng’äî läí cuh’Kpùi htá nglung nomhtéi kkhàn a mhlânpùyín ah mü vâi hlü ah.Lì lù thü hleih ngshüm lo ba nglùngthô neh ngkhäp yàngyàng u ngäi.Nú ah tüi mtähkhngîm yî ba hlüyàng hleih ngkhäp nehmàn lo ba.Pìnshing Nglìng MangKcüm on mgú chünú phih ana kòi ei hlieih.Còng ka mlùng tûiphù bü ktüt hleihlí lah kkhìm on ka ngcam hlü.Lung kyŭì nggìng guihkhò hngang mhlâ ahmlùng vâng on kangngaih mcäî neh.Ka mvúi lah ghíngnú lah gìm nokshùng neh na ktàina láng hleihnú khìn khù tûishôn guih htum ahnú ah cói neh mgè ve ngäi.’Shin ah hlô ah kchò ng’äî kphyìm gui cuh tuhchü ng’äì ci gui noh kyäp ah ngah-tüh neh gukthén neh ami ng’äî ah kä kya neh léng nak lah phleh nak ah chüt hleih a dängdäih ah a ng’äî ah kya ci.Cun ah a ng’äî cuh a shüm nak ba ung avan mcu ba chütah ani ah hlô ah ng’äî shüm ci gui no ami ngyák tu cuh ani ah hlô ah ami mcû ba hnging cuh hngu ngya tu ci gui phùng noh ami yùm ngak tu ah kya ci.A cun ah ng’äî kshüm gui ung kah gàkkáp ah phih kya neh ng’äî kshüm ah phih kya ca Khòlòng Ngthàng cuh ng’äî kshüm gui ba kshòn noh ami yùm tu ba kshòn ah kya ci.Ng’äî läí cuh’Shónghtá kkyüi nohmü na ghüh hleihkei Khòlòng Ngthàng.Mlik htá ngtháng nongòi na phòng hleihkei Khòlòng Ngthàng.Mü na ghüh nehdònghtung na mcoih hleihkei Khòlòng Ngthàng.Ngói na phòng nehpumgò na mteih vekei Khònglòng Ngthàng.Dòng htung na mcoih hleihdòng ah ngcoih enkei Khònglòng NgthàngPumgò na mteih hleih pûm ah ngteih enkei Khónglòng NgthàngDùng ah ngcoih nehNgbôi lah a htákei Khònglòng NgthangPŭm ah ngteih nekMâng lah a nakei Khònglòng Ngthàng.Ngbôi lah a htá yu tum mgù shümkei Khònglòng NgthàngMâng lah a nàva lam ngkhap enkei Khònglòng NgthàngYu tum mgù shümmúi lah phì shàkei Khònglòng NgthàngVa lam ngkhap nehgò lah ngdàng cokei Khònglòng NgthàngMúi lah phì ahnghlìng neh ngvet hleihkei Khònglòng Ngthàng.Gò lah ngdàng ahkcám neh ngshân hleihkei Khònglòng Ngthàng.Nghlìng neh ngvet chütahnghlìng hei khteih vükei Khònglòng Ngthàng.Kcám neh ngshân chütahngbàn hei kchák eikei Khònglòng NgthàngNghlìng hei khteih vüpúighù lìgüng ahkei Khònglòng Ngthàng.Ngbàn hei kchák eimshì kcòi nglei kkèm ahkei Khònglòng Ngtháng.Púighù lì güng ah htinpò im ngkìkei Khònglòng NgthangMshì kcòi nglêi kkèm ahmipho yathàkei Khònglòng NgthàngHtìpò im ngkìnghngûm neh nghngäk hleih kei Khònglóng Ngthàng.Mìphô yathà nglàm neh ngphät hleihkei Khònglòng Ngthàng.Nghngûm neh nghngäk hleih phih ka nghngûm mshìlí kei Khònglòng NgthàngNglàm neh ngphät hleih phih ka kyeng ngkyék kkhànkei Khònglòng Ngthàng.Ka nghngûm mshìlínghngûm hleih kthü ngäikei Khònglòng NgthàngKa kyèngkyék kkhàncàn hleih mhlâm ngäikei Khònglòng Ngthàng.Nghngûm hleih kthü nehkthù yô na ngäikei Khònglòng Ngthàng.Càn hleih mhlâm nehkkhúi nà na ngäikei Khònglòng Ngthàng.Khtù yô na nehka k’ó ah luh lokei Khònglòng Ngthàng.Kkhúi nà na neh ka kthá ah näng phùngkei Khònglòng Ngthàng.Ka k’ó ah luh lopyêin neh kpäng vengkêi Khònglòng Ngthàng.Ka kthà ah näng phùngchàng neh mchüt ngäikei Khònglòng Ngthàng.Kei Khònglòng NgthàngKei Khònglòng NgthàngKei Khònglòng Ngthàng”Shin ah hlô ng’äî kphyìm gui ung Kchò kchî nglung kthúk gui om ca kya hleihHtahtana lam ah mang vai lah kyawng ung ngthêi vai ah thùngyò lah om mòòng guk nak gui ung phih nghlôi ngpán khai kya ci.Cun ah kya hleih ahei ng’äî kphyìm phih shùilèi neh mi mcun vai akya ah hlü ci
