Pope Francis lah a khò tüi
Kei no akyàng pí ah nghui na neh kaning shan guì cuh khòmdek ah mà lam mdáng shüm shüm nak ung a i ah biloh khīn ah mòng akthaì ah nami ngngè ngshoì ba vai akten ah kaning chü thäm gui ci.A khòtüi peì ngleng adídam mi van no mi buì òt ca kya ne acun gui kya lo khai ah ma na ci cuh mi mätmät ah kya neh cun ah mvúknak mi gah ca mikmi gui van ah ng’ä ngcäi thüihleī vai a mòòng ah phih kya ca kya ne shin ah mòng nggèngshoì nak ung a hlü ahngäī ung kah kchàng van akcùm bòi vai hlü ci.A khòmdek pum ah ngnüt dòng neh akhòtüi peì ngléng mhteímhtà mòng on ngkhingngkhong ca hngün thoh nak gui cuh a pí kchù dämtaìnak om neh shin ah a ng’gó ng’gaì kchang päng no ami hnguh hmat lo vai thä hla nak bi ngtäp gui vùng neh ngäng neh bi ca a nghtoì ngkhóp a ngshoih cun phih om lo ci.Cun tu pang ah phih thüi vai amòng amà guì cuh akhotüi peìngléng a nggó nggaì ang’hngün ah gählei vai kthá nak gui akdá pí cuh ngchüihngkhòng tuba ci gui ah nghngú ngtuknak mà nak ah kya neh lah shin ah bi ah kkhan ah mlùng kthámah nak aken cu ah phäh ah a chüt gok nak aken ah mòng cuh hnguh ah kya ci.Shin ah akhòtüi pei ngléng mhteí mhtà mòòng biloh ah kkhan ah nghngu ngtuk püi ca mlùng cuh yum ci k’tu pahta kchàng gui ah nglak hngo ung a hlü ahngäī ah hnguh hnging ah kya ci.Shin ah nggò nggài nak kä om ci ci neh ma ci ni , shin ah mòng keimi gui on kä pahtak ci ci gui ni,shin ah mòòng gählei vai keimi gui noh i ah phih kä ka mi bi hnging khai ci neh aghin kan aom vai gui düt yum neh kä gäng ba ne nong chah ci gui lah htik pan hmatnak däm tài lo ca kya neh acun noh gählei hnging khai ci neh mshìng düt neh yum ci gui cun phih hnguh hnging ah kya ci.Shin ah anggó nggaì gählei vai a khomdek pum ah akthaì ah ät vai hlü ci.Kkhanpùghí no atüi ah a hngun kghìng gui a nglat ah mang ah phäh ah om lo ca didam nak gui pyantham ba vai kchàng gui cuh ami myung kthá gui mangâ neh ng’cun ngdòn neh bi loh nak ahlü ah mòng Htum Africa ghunkhò ah Sayataw gui ah ngbûm nghtoì nak ung shä ci gui.Kkhanpùghí noh a tüi khmüt ah a hngùn kghing gui mhteímhtà nak ah biloh màmòng ung mikmi gui avan cuh mi mät ah thùng yò phäh phäh ah mi buì chúm ah ciah myung kthá lah cùm päng biloh nak on Kkhanpùghí ah phäh ah htùng mang ah khoh them gui vai hlü ah ngcùt ngdòn neh mi bi khai nei.
