Ktàigü kthài gui

Mvá ngthu on ngcō ciah ktàigü kpyìm gui kchó kchi khtüm ah kya khai ah Kchò Bóiphàya gui no ami pyaan ba ah kya ci.Akphyìm pyéinmih màn ci gui ah phäh kä nghloi khai hlü te cun vah kthá na neh mi pyéin tu ba khai.

Hluläk ngshä gui ah mthēi mcäì(The Apostles Creed)A i phih mchüt neh Kkhaanmòpí lah khòmdek tüi khmüt ciah Pá Kkhaanpûghí cuh ka yùm ci.Mi Bói Jesu Christu cuh a Htá Kpá tumat bäng ah kya ci.Htíthéing ciah Muh on a ngtüi lo kon ah Nglàmi Htá Maria ung kah om lo tu ci.Ponsius Pilatu a maang yah ung yáica neh shing mkang ktùng ung shi chütah ami kphuh te.Kka khò ah yu kyum netah akthum khngüüp ung shih nak ung kah ghìng lo ba ci.Kkhaanmòpì ah kài neh a i phih mchüt ciah Pá Kkhaanpùghí ah kpat lam ah ngo ci.A cun ung kah aghìng lah akshì cuh a mchamlàng gui vai ah lo ba khai.
Htíthéing ciah Muh Kkhaanpùghí ni,Htíthéing ciah Catholic Yùmtungbūm ni,Bä ca kchàng gui ah ätnak ni,shéitkatnak gui ung kah phyónnak ni,kyä hlámah ah ghin lo banak ni,a ngdäih ah ghinnak ah mòòng gui cuh ka yùm yop ci.Amen.
Kkhânpùghí ah mcäì-10
(1)Kkhânpùghí bäng mshùm mchuk neh ani cuh ba yùm mhngi tu pi vai.
(2)Kkhânpùghí ah ngmìng akhòlä düt ah kä na ngmìng kpha vai.
(3) Kkhânpùghí ah khngüüp cuh shüm ba neh htíthéng khai na pyaan vai.
(4) Na nú pá kyih à neh na ngngaih vai.
(5) Kchàng kä na ngón vai.
(6)Kä na plet vai.
(7)Kä na mgúk vai.
(8)Na hle pyéin neh kä na nghun tu vai.
(9)Na ngkho kchàng ah kchú cèi kä na pletnak hlü vai.
(10)Ami khoh-tang kä khin hleih kä na ngyák hlü vai.