Khanpughi ah ng’shä Khanhtapup no Maria ma a pyein lo a mong

Maria ng’ming nak caih ng’lamihta Maria am a pyein vai ah Khanpughi no a ng’shä Khanhtapup Gabriel cu Galilee khaw Nazareth pigo ah a tüih ah kya ci. A cun ah ng’lamihta Maria cu David ah ng’shon Joseph ciah k’chang awn ng’don lo khai  a mi ci. Khanpughi ah ng’shä Khanhtapup Maria ah om nak ah gok lo ne “ Na yei tu vai Maria aw, a ng’htei k’hma ah na bä ci nei. Khanpughi mät ning om püi ci”. ci ne pyein hleih Maria no a cun ah k’chü m’kha ng’ya neta cäi ne shin ah ng’hnguh ng’hmat püi nak cu a I ah mong lam mä ci ne ng’ngai ne om ci.

Khanhtapup no “Maria aw, kä na kyüh ein vai nei. A I ah kya hleih ci ung Khanpughi no ning’m’hngi tu nga ci. Nang cu kyämah neta k’pamihta ah na hta lo khai. Cun ah nah ta cu Yeisu ciah hlui vai. A ni cu ng’vai k’chang ah kya lo khai. Hlüngtai pi ciah Khanpughi ah hta ci ne chü lo khai gui. A pa David ah ghunkhaw cu Khanpughi no a ni am pe khai. Cun ah k’chang no phih Yakuk ah hta ng’shon gui cu a k’cim ah ngäng m’htei lo gui khai . A ni ah ghunkho cu a I yah ung phih a maih nak kä  om khai,“ ci ne pyein hleih, Maria no “ Cun ah mong gui cu I ah kya hnging khai ang. A I ah kya hleih ci ung kei cu ka cei kä om ci” ci ne Khanhtapup am pyein ci.

Khanhtapup no phih “ Muh htitheing no ng’kyum lo nak khai. A cun ah phäh ah cun ah om lo tu khai ah hta ng’shon cu htitheing ciah Khanpughi ah hta ci ne chü vai ah kya hkai. Cun kon ah a shing ci ne chü man ah na pai hta Elizabeth phih a kyämah nak k’cha k’chuk lo pyi ci. Khanpughi no kä ci hnging I kä om ci ci ne pyein chüta Maria no kei cu Khanpughi no a na phan vai ah ka om ci. Boi no a pyein ah hlo ah kei ung kya hlä ci ne a pyein kon ah Khanhtapup cu Maria ung ka no hteit ba ci.