Ngthukní ngtheinak
Ngthukní kyanca cuh akkhak akdá om chütah aktúngpí ah läk vai ah a mòòng gui hmat vai ah RC ung bä ca hnguhhmat khòngmàng kchàng gui noh yùm ktu kchàng van ka vai ah ngchüüp neh ät khai ah pyàng ci gui.Yùm ktu kchàng gui ci cuh ca hmat ci ni,kä hmat ci ni,áng ci ni,nglàng ci ni,pang ci ni avan ah phäh ah kya ci.A vai hlü ah Pá ni,Htá ni ciah pyéin ah nüt neh ktáigünak cuh ca kä hmat neh kä kchì thei ci lah pang ci gui ka vai phih nghloi khai kya ci. Ktàigünak gui ung akpùng ah hnguh hnging ah ktàigü khmütnak. avai hlü ah kòngki tūi phyángnak cuh kä kchàng kchú ci gui ka vai phäh ah phih kya ci.
RC ah Thùngyò lah Ngthūkní Kyanca ah ngchüüpnak ah kya ciah mü ngói mcu ah ktàigü nghuingpanak gui cuh yùm ktu kchàng gui no ami mcu shō pyi ci.Cung tu láng pang ah phih Mvá kchi nglung gui ngco pahpah chütah kchò kchi akhtüm ah pyéin vai ah kchò Bóiphaya gui no ami pyaan ba ah kya ci.A cun ah ami pyaan ba kä guk pha ung kchò gui no kä mi mcu tu pha ah ktàigü phih ami guk ah kya ci.Krusu khmŭtnakPá nī,Htá nī lah Htíthéing ciah Muh ah ngmìng on,Amen.Htíthéing ciah Muh Kkhaanpùghí chü thämnakV. Htíthéing ciah Muh Kkhaanpùghí o,kyum lo ä. R.Yùm ci ktu ah mlùng cuh kbé gui neh na mät ah mhnginak ah mei on däì càng hlak gui ä. V.Muh Kkhaanpùghí na tüih lo ung, yùm ci ktu ah ngmùi mchà htí théing lo ba khai. R.Khòmdek púm phih akthài ah na ngthong nghlài lo ba hlak khai.Mi ktàigü koHtíthéng ciah Muh Kkhaanpùghí ah akkhaang on yùm ci ktu mthei mthàng ca Bói Kkhanpùghí o,a cun ah Muh Kkhaanpùghí mät on keimi gui cuh akcàng ah hngu hmat tu u neh ani ah myéimkyài nak kami gah tu hnging vai ah kami Bói Jesu Christu upa neh kami ning nghuingpa lo na ci nei.Amen.
Htíthéing ciah mkyüüm ung(khòim kkyòng ah pyéin vai)(akphyìm-phayacin ah kkhaan ah)Htíthéing ciah Shi Hlá Sacramentu hlu ah om ciah Bói Jesu o,kei no ning mhngi yùm äp tu neh na mà ah mkhúk dòng neh kaning mshùm mchuk ci. Khòngói ah m’àpnakJesu ah bä pí ciah mlùng o,tuh-ngói ka biloh vai gui päng ni,ka ngah-tüh vai gui päng ni,ka gah vai ah yáica thüihlei gui avan lah ka ktàigü nghuingpa vai gui avan cuh na ngyák hlü ah hlo ah akya yop vai ah Maria ah bä ciah mlùng cuh upa neh kaning àp yop ci. Kkhaanmòpí ah om ciah kami ning pá oKkhaanmòpí ah om ciah kami ning Pá o,na ngmìng mtaam vai kya hlä. Na ghunkhò cuh avan ung yat hlä. Na ngyák hlü kkhaanmòpí ah akyak ah hlo ah khòmdek ah kkhaan ah phih kya tu hlä.A khngüüp tä hleih ei vai cuh tuh-ngói mät na kchì khngà tu gui ä. Na kat na ci gui kami mgein ah hlo ah kami ning katnak gui cun phih na mgein tu gui ä.Tóktapnak lam cuh na mchoh gui neh a kshékkà ung kah na kphyón gui ä. A pá ni, a htá ni lah Htíthéing ciah Muh cuh kami mtaam ci. A khtük ah kya ciah hlo ah tuhchü lah ngói ah phih akcùm ah mtaam vai kya hlä.
