A khótüi u no mhtêi khai ang?

Ngdü khò kchàng phäh phäh no a khòtüi a mhtêi vai hlü ci.A hei gui no mät ah ngleimdeh kä pyàng lo khai gui.
Ami mät ah khò ah kä kya ciah pyinhtit gui hngo no mi Kchò khò ami pyan hlü ung mi mät kchò gui mä i ah om ci ang?Kchò gui no Kchò khò cuh lòng ah phlèng neh vo lo ci gui.
A cuh ah phäh ah khò ngling lo neh tui kèn lo ci.
Pyinhtit Bóiphayà gui cuh ami gok nak päng ah shingghing mhtéi neh géit ci gui.Lung Kshé ah kä mi gok lo pha ung Mindat ah phih shing gui ami géit mi hngu hnging ci
Mindat Polúm nglahnak ah kka ah kphlō ghing a ngghò nu gui cuh ngami ah géit ah kya ci.Acòyah no polúm ngkahnak akkhaan ah kplōn gui hleih phih ami gok lah kphō ghing gui ami géit ba cuh hnguh bà hnging ah kya ci.Kkhaanpúghí no kchàng a tüi yah ung khòmdek mhtéi vä ciah a mcäi cuh ami läk ah hlo ah mi thei bang tu khin ci.