K’Kyawng khui ung om ciah m’hngi nak

K’kyang khui om ciah nu lah pa ah ng’lak, nu pa lah hta k’hmo gui ah ng’ lak, ung tumat no tumat yei nak, m’hngi nak, m’htei m’hta nak cu k’kyawng khui ah diim kyäp nak ah kya ci. M’hngi nak awn a kaa pi ah buiawt nak ah yaica buiawt nak gui cun phih m’chüt näng hnging vai ah kya ci. K’chang ci nak ci cu  a po k’chang a hngi tu mat ku a hnging ung phih kyai, k’chang gui no m’hngi ne yei nak ci gui ah a ngai lo ung phih kyai ng’hta ko nak ung pyein hlak gui cu a ni ah hnguh hmat loi ah kya ne tumat lah tumat ah ng’lak ah m’hngi nak cu däm lo pithi ciah kya ci.

K’chang tumat ah k’khnan ah mät ah ga vai hlü ah hnguh lo cu mät ah k’tha nem nak m’dang ah kya ci. A cun ah k’tha nem nak cu mät no hmat lo ah a kya ung m’chüt näng ne, phlän hnging vai ah k’tha nak vai ah kya ci. Mät no mät kat nak, k’tha nem nak cu, m’lung yonem nak awn shui ne a k’ni lam ah pyantham hnging ung k’khawng khui ung phih kyai, k’chang hei gui awn phih kyai a k’ni ah ng’kot ng’gei ne ghinlu yei kyai nak awn om hnging vai ah kya ci.