A-hlu-läk gha-leigoi tüì gùi ci.

A-hlu-läk gha-leigoi cuh a kong ät-ah chü gùi nehtah ngami-àm khaw-’nget avan m’chütnák-ah m’zung lah ã ni, gaw pàinák gùi, m’gü m’gáinák hnging cuh, pe gùi ci. Cun kon-ah, Khãnpùghí-ah ghin khaw-ah màwng ami piéin vai ni, k’chàng gùi ami m’gái bà vai ni-ah, tüi gùi nehtah   Ngami-àm a piéin cuh, “Lam-ah kavai, a i phih kä nami hteh püi vai. Ng’Só-htung, ng’zá, m’htut, ngùi, ng’thon nák vai-ah k’htù, kä nami hteh püi vai. Nami luhnák k’htük-ung om tu neh a cun-ung-kah nami ng’düih lo bà vai. Kä ning dàw gùi ci a om läí-ung cun-ah pigò-ung-kah, hteit bà u neh ami hmat vai-ah, nami khawphà-ung-kah m’vut, k’thút ghüt vä.” Ngami hteit u neh zèi tu vai-ah màwng piéin u neh ami goknák päng-ah, gàwpàinák gùi m’gü m’gái u neh pigò a k’zo k’däm gùi m’hlan ci gùi.