Cumunity College (CC) Cuh K’hmawng Ci Gui
St. Thomsa Aquinas Community College k’hmon nak cuh Lukse Pigo ung Kum (2026) September k’cha a (14) k’hngüp-ung bi ci gui.
Cun-ah ami bi nak-ung K’taigü Mang Augustine Thang Yom Ghung noh ng’thei lo tu ci gui-ah k’hmo k’tho gui-am “Ng’thei ng’tham nak cuh m’lung-ah a k’khang hnguh nak “ci-ah ng’thu-awn ät khai-ah ng’thei ng’tham hnguh hmat nak-ung m’lung k’ni-awn khap neh pum kyä ka vai ng’thei ng’tham-ah hlo-ah ng’mu m’cha k’tha gui phih gah nak hnging vai-ah ng’thei ng’tham neh bi läk vai cun phih hlü ca among cuh m’thein m’kan gui ci.
Cun-ah (CC) k’hmon nak-ah poi-ung K’taigü Mang Augustine Thang Yom Ghung noh khong mang neh k’taigü Bawi gui-ah kia ca Fr.Joseph Ki Khui Om, Fr.Sebastian Kho Gei Ghung, Fr.Constantine Thang Aung Thang, Fr.Polinus Phei Hnga, Fr, Joseph Maung Hnga, Fr. Timothy Ling Maung ni lah Ma mah gui ni, ng’thei ng’tham lo tu ca k’hmo k’tho gui-awn a kong ät-ah bi ci gui.
Cun-ah ami ng’thei ng’tham nak cuh kum ät sho khai-ah kia neh tu k’bäih cuh k’htük pi-ah Mangtak yumtu ng’bum noh tün neh abi loh lo-ah kia ci.
(CC)-ah bü ceng nak cuh kho k’kyong-ung k’hmo k’tho gui ami mät-ah kho-ung ng’düi hnging vai phäh-ah ami mät-ung ng’thup neh om ca bi loh nak hnging gui cuh k’plok pe gui vai lah ami mät ka vai lah ami pei-ah om ca k’chang gui-ah ni bä nak gui a om lo pi hti vai-ah phäh kia ci.
