Jesu-ah hlúläk k’càng.

A i-ah kia hleih ci-ung, kä ni’ci-ah ng’theih, ng’theih ci cuh ni’ci-ah ghing-ah kä kia ci. Ni’ci-ah ng’theih, ng’theih ci-ah ghing cun phih se’ci-ah kä kia ci. A i-ah kia hleih ci-ung, a ghing cuh, a k’theih- awn hmat-ah kia ci. Ng’Hlìng ghing ung k’thei kä chán màn. Bung-hngù k’büp-ung phih, Ca-pit theih kä chán. Ni’ci nawh a mät-ah m’lung m’kíüm-ung-kah, a k’ni gùi plok bà ci. Kä ni’ci-ah k’chàng nawh phih, kä ni’ci-ah m’kíüm-ung-kah, kä ní’ci plok ci. A i-ah kia hleih ci-ung, a m’lung-ung bé ci cuh a m’gawng nawh piéin ci.

Ka piéin kä bi neh a i ah kia hleih kei-àm, Báwi aw, Báwi aw, nami ci ci-ang?  Kei-ah lo neh ka k’chü ng’ngài neh bi ci cuh a u-awn täng ci cuh, ka piéin khai. Thúk khai-ah co neh lung k’pò-ung im co ci-awn täng ci. Tui lo neh tui nawh im cuh, pah hleih phih, kä hngün ci. A i-ah kia hleih ci-ung, lung-ah ’khãn-ah coh-ah kia ci. Kei-ah k’chü ng’ngài neh kä bi ci cuh kä coh líng-ah m’dek-ung im co ci-awn täng ci. Tui lo neh pah hleih a k’tén-ah kiu hleih a im cuh, a púm-ah dí zop ci.