Bä ci lah, Se ’ci m’cha neh a piéin.
Cun kon-ah, Jesu nawh a-hlu-läk gùi teng gùi neh a piéin cuh, nami dú-dòng ci gùi cuh nami bä ci. A i-ah kia hleih ci ung Khãnpùghí-ah ghin khaw cuh nangmi-ah khaw-ah kia ci.
Tuh-bäih nami cói ci-ah nangmi nami bä ci. A i ah kia hleih ci-ung, nangmi cuh, nami phü lo khai. Tuh-chü kiap ci-ah nangmi nami bä ci. A i-ah kia hleih ci-ung, nangmi cuh, nami gaih lo khai.
K’Chàng gùi nawh k’chàng-a htá-ah phäh-ah ning ú gùi neh ning m’cha gùi neh ning hlü-hläih gùi neh nami se-’ci vai hlü-ah ami ning k’täm lo gùi-ung, nami bä khai néi. Cun zah ung zèi-kiài vä. Nangmi kavai cuh, Khãnmòpí-ah bä ci néi. A i-ah kia hleih ci-ung, ami pùghí pá gùi nawh ce ng’sä gùi a cun-a vah ci man ci gùi.
Cun tu pang-a phih, nangmí, nami gah man ci, nami dí lo khai néi. A i-ah kia hleih ci-ung, nangmi cuh, zèi-kiàinák nami gah pi ci. Nangmí, nami phü ci gùi, nami dí lo khai néi. A i-ah kia hleih ci ung nangmi cuh, nami cói lo khai-ah kia ci. Nangmí, nami k’chü gaih ci gùi, nami dí lo khai néi. A i-ah kia hleih ci-ung, thüì neh kiap neh nami kia lo khai-ah kia ci. Nangmí, k’chàng-ah ning m’tam gùi. Nami dí lo khai néi. A i-ah kia hleih ci-ung, ami pùghípa gùi nawh ce ng’sä ng’séi gùi, a cun-ah ci man ci gùi.
