Pope Leo XIV noh Angelus ung a pyein.

Ka m’hngî gui ah nu bè phäí na gui aw,
Ukraine ung K’hlí ah om ih nak Mânggò akkhak m’dí neh a bü k’om gui a shih kyuk ah amòòng kthài ka hnguh ah phäh ah ka thüi ci.Ka m’lung cuh khokum ksho kyi-kyok neh om ci gui ah yáica nak ung gok ci.
M’dí mshùm nak gui m’düm vai,a dìmkyäp vai ah nghtàngkò nak k’hmón vai akthài ah ka ngshok gui ci.Shituhchü ng’gè nak gui om lo neh ngshängbang nak gui phih om lo khai ka yum ci.
Ngcuh ngcan nak gui ah hngün ung ngei ngkhot nak gui a om lo vai Boi ah mi ktàigü ko.
Roma lah ghunkho a hlü hlü ung ka lo ci gui avan kaning yei na gui ci nei.
Musestre(Treviso) ung om ca Sant’Ulderico Parish ung kah lo ci gui phih Oppido Diocesan Ng’äi ng’om ng’htoi on atäng ah yei neh ka do chang gui.
A ng’néng ah mamoong gui mi biloh ah kphêi ah Boi noh na shoih khah gui neh akkhang on ana shü gui khenggeng vai ah mi nghuingpa ko.
Avan ung yeikyai nak ah kyün k’hngüp ah kya hlä.