Akut ng’gúng, ni bà hlak ci.

A hei kiün k’hngüp ung Báwi nawh cã-gat ung lut neh m’thei gùi hleih cun-ung, a k’pat kut ng’gúng ci om ci. Kiün k’hngüp a k’nà cuh, m’gü khai mä, ci neh k’chü m’cäi k’süm gùi ni, Pharisee gùi nawh Báwi-àm ami k’bün-èi vai-ah phäh-ah ng’mün neh teng ci gùi. Báwi nawh phih ami ng’ngaih-tüh hmat neh akut vang ng’gúng ci-àm, “Tho lo neh a ng’lùng-ah ng’düí-ä,” ci ci. Ani phih, tho neh ng’düí ci. Jesu nawh phih, “Ka níng ng’si gùi khai. Kiün k’hngüp ung hngùn k’phión vai ang? Kä cun-ung m’dí vai ang?” ci nehtah Om ci gùi avan ng’hlat neh teng neh “Nakut k’säng-ä,” ci chü-tah k’säng hleih akut ni bà ci. Ngami cuh, a kia-ah m’lung k’sé u neh Jesu cuh, a i-ah ami ci vai nìnak ci gùi.