K’chang a hta cuh kiün k’hngüp mät phih kanak ci-ah kia ci.

Kiün k’hngüp k’hmä-ät-ung, Báwi cuh, Kiung lo mà-ah a hteh zah ung a-hlu-läk gùi nawh avui k’bot neh k’tút nehtah èi ci gùi. Pharisee a m’sah gùi nawh “Kiün k’hngüp kä ci vai hlü, a i-ah kia hleih nami ci ang?” ci neh ngami-àm piéin ci gùi.   Jesu nawh ngami  m’sàng bà gùi neh a piéin cuh, “David cói lo neh a mät-ung lèng neh ani-awn m’gù tu ci gùi nawh ami ci te cuh kä nami ng’za tu man ci ang? Ani cuh, khaw im-ah lut neh k’tài-gü bäng-ah kon-ah, a u nawh phih kä ei màn-ah ng’thã nák ah m’htut cuh a i-ho k’chà-ah la neh èi neh a khah püi gùi àm phih m’bei tu gùi ci ang? K’Chàng-a htá cuh, kiün k’hngüp mät phih kanak ci-ah kia ci,”ci neh ngami-àm piéin ci.