Bä ca Monica
Bä ca Monica cuh kum (331) AD, Thagaste ung ng’tui om lo ca kya ci. Katholic Pahtak’chàng ah kyat e ci ani ah aNu noh Africa kho ung om ca kä Pahtak’chang Tagaste awng am’chüm goi.
Imkongkhui gui ung ami Cei,hta kavai amimät ah pumkyä gän up ci ah Nu gui noh ami upa ah bä ca k’chàng ah kya ci. Ani cuh Bä ca Augustine ah aNu ah phih kya ci.
Bä ca Monica cuh Kä ni ca a pighü ah pyeinm’shet nak, omih se awng aomih nak gui cuh Nikca m’lung awng kan neh om ci. Monica ah acei cun phih ei,ot neh ani cuh Tuthat neh kya hti ci. Monica cuh (3) ah hta neh ang’vaipi cuh Augustine ah kya ci. A cei noh ak’hmo gui cuh Pahtalam ung m’shinak Sacramentu ami lak tu vai kä ng’yah hlui ci.
Khohngüp ät ung Augustine cuh goi lo hleih m’shinak Sacramentu a lak tu vai yum neh ta Augustine gai lo ba helih phih apa noh kä yum ba ci. Monica ah Shuh Shan Taigä nak awng ahnu ah Monica ah acei lah apighi cuh Yumtuk’chàng ah kya lo ci goi. Cun phih acei cuh yumtuk’chàng ah akya nak kum ät lo hleih shih ci.
Cun ah ung Augustine cuh kum (17) lo phah ci. Anaa hta goi Navigius lah Perpetua om ci goi. Anu monica noh Augustine cuh Carthage yahteicong ah tui tu ci. Augustine cuh k’chàngkaa gui ong gei u neh shet kat nak ong be ca k’chàng ah kya lo ci. Anu Monica cuh am’lung ah thuihlei neh yanca lo neh kä ei hloh nei, kä ip hloh neh Yanca lo ci. Cun phih ahta Augustine ka vai eihloi neh Shuh shan nak bi ci.
Augstine akhokum (29) lo helih Roma ah heih khai pong hleih Monica phih ng’läk tu ci. Milan ah gok lo ni neh Monica noh ani ah ng’muim’cha lam ah khongmang ca Sayataw Ambrose ah Augustine ah among m’thein tu ci. Bä ca Monica noh khokumsho nu Shuh Shan pek nak kong Augustine cun phih Sayataw Ambrose awng hngu ni neh Khanpughü lam ah ng’thongng’hlak lo ci.
Augustine cuh apüipo gui am m’shi nak Sacramentu lah tu u neh Yumtuk’chang ah kya lo ci. Augustine cuh akhngu ah Sayataw tumat ah kya lo ci. Bä ca Monica cun phih Milan ung om ca k’hngumi gui ah ng’muim’cha lam m’shüm ah kya lo ci. Bä ca Monica noh Augustine am “ ka hta aw, a I noh phih kei ung Yeikyai nak kä nah pe hing ci.Cun phih kei ah ng’ngaih u nak gui kyüm pyi ci’’ ci ah ani kä shih pha ung pyeih shut ci.
Augustine cun phih aNu ashih ong nak Confession ciah Cang’bu aguh ah ung Anu aMonica noh ani ka vai miktuing’hlui awng Shuh a shan pek ah mong cuh guh neh thuihlei ci. Bä ca monica cuh kum(387) 27th Aug, Ostia Antica, Italy ung shih ca kya ci.
