Papa Shangpughang a ng’hngung’tuk püî ah phäh ah Boiphaya ung ka noh ami k’htät.
America Ghunkhò Texas ung om ca San Antonio Ng’htòi Uk ung kah Fr. John Mary Fister cuh Pope käh yum lah htahtana ung ka noh ngtáinak(Schism)ah phäh ah Canonnical Tribunal noh pyein pit neh ktàigü ung ka noh k’htätnak(Dismissal from the Clerical State/Laicization)a bi ah mòòng San Antonio Ng’htoi Uk Sayataw Gustavo Garcia Siller noh August 14 ung shä ci.
EWTN Amòòng kthài/CNA noh August 19 ung Fr.John Mary Foster cuh Pope Francis lah Leo 14 goi am ”usurpers”ciah k’hlí ah mà ah chŭ goi neh Leo 14 cuh Pope akcang ah kä kya ci ciah amoong gui cun phih Mission of Divine Mercy on m’tói neh têi neh m’dáng ci.
Fr.John Foster cuh 1987 ung Boiphaya gah neh2009 ung San Antonio Nghtoi ung bi tu ci.2001 ung Mission of Devine Mercy m’düih neh acun ah nghtoi on ngpak hleih Jesu Maria noh ani mthein ah moong ngcuh vai gui shä ci.
Acun ah a shä nak ung Pope Francis lah Pope Leo 14 cuh Pope ah kä kya ci ciah boi lo chütah San Antonio Nghtoi Uk Sayataw noh käh pyein en ba vai lah a ngyu ba vai ah pyein hleih phih Fr.Foster cuh k’däih neh líng ciah Catholic Amoong kthai gui noh m’dáng ci gui.
Cun kon ah Vatican ah Dicastery for the Doctrine of the Faith noh a kbäi ah Canon Law Tribunal cuh 2025 kum April 10 ung ka noh lèng neh Boiphaya Foster ah pyeinhlak gui,biloh gui,m’theimthang gui ktäih neh kum ät bilo netah 2026 April 20 ung Schism katnak ah phäh ah kat om ciah kbäí ci.
Canon khännak upatei cun phih shin ah mòòng ung aktung ah kya ci.Canon 751 ung Schism ci cuh Papa Shangpughang kä cun ung Papa shangpughang on ät ciah htahtana kboi gui on ät ah mòòng kä yum nak ciah kbäi pyi ah kya neh Canon 1364 / 1 ung Schismatic tumat cuh latae sententiae excomunication-kbäînak ah amoong gui on a ngkyüm lah amät ng’htät nak gah ci.Cun kon ah Papa Shangpughang noh phih boiphaya ung ka noh k’htät hnging ci ciah moong Vatican ah Code of Canon noh akbäi ah kya ci.
