Ng’Büh ng’mãng ci-ah k’chàng lah  Khãn-mòpí.

Cu kon-ah tumat nawh a pèi-ah k’et  nehtah “Bä ci-ah saza ng’vái aw, ghin-khaw ng’däih ka gah vai-ah a k’ni, i ka bi vai ang?” ci neh ng’si hleih Báwi nawh “A k’ní-a màwng cuh a i-ah kia hleih na na ng’si ang? Ni ’ci cuh, Khãnpùghí tumat bäng om ci. A k’cùm-ah ghinnák-ah na luh hlü ung Khãnpùghí-ah m’thei m’cäi gùi na läk vai” ci ci. Cun-ah k’chàng nawh “I m’cäi gùi ang?” ci hleih Jesu nawh “k’chàng kä na ngáwn vai. Kä na plet vai. Kä na m’gúk vai. Hlè m’gong  kä na k’bäi tu vai. Na nú pá na  k’dük vai. Na pó-k’chàng na m’hni vai,” ci ci. Ng’Piang-mihtá nawh “Sin gùi avan ka k’hmó-zah gé ung ka läk-èi pi. A i hlü bà ci ang?” ci neh ng’si hleih “Nang cuh, na kíüm bé hlü-ung, na khawh-tang gùi zòi nehtah dúdàwng ci gùi àm pe gùi-ä. Khãnmòpí khawh na gah khai. Cun kon-ah, ka hlu-ah na na läk vai” ci ci. 22 Cun-ah k’chü ng’zák nehtah ng’piang-mihtá cuh, thüi neh hteit bà ci. A i-ah kia hleih ci ung ani nawh khawh a k’dá säm ci-ah kia ci.