Bä ca Maximilian Koble
Bä ca Maximilian Kolbe cuh Kum (1894), 8th January ung Poland ung ng’tuiom lo ci. Kum (1910) ung Franciscans ng’htawi ung lut tu ci. A cun ah ng’htawi ung ani cuh “ Maximilian Maria” ci ah ami chü.
Bä ca Maximilian cuh ak’hmohta akya ah ung ge Juu Pakhuik’chàng ah kya ci ah aNu lah aPa Julians lah Maria ni noh “ Nu Maria ung Upa shuh shan nak “ abi thei vai ah m’theim’cä ci goi. Kum (1906) ung Nu Maria noh Bä ca Maximilian cuh Shuiluchüm (2) m’dang na neh tumat a ghü hlak. Maximilian cuh k’hmo yah ca kya neh ani(2) alak hlü.
Cun ah Shuiluchüm(2) lah aboh lah ahlen ah kya ci. Ak’boh cuh Htithein ca ghung lu ah mong ah kya neh ahlen lä cuh amät ah Yùm nak aphäh ah hngu pek nak ah kya ci.
Bä ca Maximilian Kolbe cuh khànpùghü ung aYumnak khäng neh nibänak awng be ca k’chàngni tumat ah kya ci. BoiJesu Yum neh länak ung phyong nak kya cuh m’dam ci.
Maximilian cuh akhokum (20) kya lo hleih Franciscans ng’htawi ung lut tu ci. Ani cuh akyähla kä gai lang neh phih k’thana neh Kum (1918) ung Bòiphaya tumat ah kya lo ci. Nu Maria cuh k’chàng van noh aYehei Upa lo tu vai ci ah “ Knight of the Immaculate” ci cuh guh ci.
Maximilian Koble cuh Boiphaya kya lo hleih Kum (1930) ung Khãnpùghü ah bi, abi vai ah Japan ah ami tüh.
Kum (1939) ung khom’dek pum ung ng’tukng’at nah om lo helih Nazi (Gamarny) gui cuh Polan kho k’ tu lo ci gui. Juupak’khui k’chàng gui cuh k’pha gui neh ami dudei nak gui. Kum (1941) ung Bä ca Maximilian cu phih pha u neh Auschwitz ci ah ami tuih. A cu ah ThongImNu ung Paahtaak’chàng tumat cuh ng’on vai neh ami pong lo te Bä ca Maximilian noh ani phyong tu neh amät ami ng’on vai pyein neh ashih tu pei.
“Teihpüi kah vai a hngun m’shih ci ah tah däm tu ba ci ah m’hninák a u ung phih kä om hnging khai.” (Yohan 15:13)
Maximilian Koble ah agok cuh “Nu Maria Khàmopì ah akai nak ah poi k’hngüp” ung ami phuh.
Kum (1982) October (10) ung Bä ca Maximilian Kolbe cuh Papa Shangpughang John Paul (II) noh m’hning’kyunak ah Bä ca K’chàng” ah ahmüt.
