Ng’tuk-ah yah ung dawng ci gui.

M’va kho pum ung ng’tuk-aah nak om lo neh avan cuh dawng neh ami im a ami om ba vai kä kya helih avan cuh yaica ci a kya ci. Ng’tuk nak ci cuh kä ni tu pang lang hleih phih k’chang gui ah ni nak vai, bä nak vai ah a cun a ng’tuk nak cuh mango päng noh buiot man ci ah kya ci. M’va kho cuh 2021 ung tün neh ng’tuk nak cuh m’va kho ung däm lo ciah kya ci. Cun a kya hleih, M’va kho, K’cho kho ung k’chang gui cuh dawng ne vah om ci gui a kya ci. Mindat myo k’om gui cuh dawng ba neh ami mät a pigo ung a om ba ci gui ah kya ci. Ami ng’et nak gui ah hteit ba ci gui, ami kho a hteit ba ci gui. A m’shah gui cuh yaica tu cang ci gui a kya ci. A cun gui cuh Bawi ah ng’ming on ami gung tu gui cuh yei tu vai kya ci. Ami im a m’om tu gui neh, a k’om m’bei tu gui neh gung tu ci gui a da a hlo ah kä gung tu ci gui cun phih om ci gui. A u phih kä dawng hlü ci. Cun tu pang a phih om kho kä gei hleih mi om ci gui cuh tumat lah tumat gung htot tu nak on mi om tu vai khin ci. Avan noh ng’ngahtüh vai among a kya ci.